Coup de coeur, coup de gueule
Les jardinsmin grand père Arthur
par nounours-94 le, 09/06/2009chétot el dernier des quatre frères Facon. i travaillot à l'accrochache. i a resté longtemps chez s'fille et s' n'homme dins l' rue d'Esplanade après la guerre, et insuite quand i z'ont abattu chés masons, such' boul'vard Basly. et un jour i a décidé d'arprinte esse n'indépendance, chétot pas facile pour un viux ed vife dins eun' mason avec quatre infants. i est parti habiter dins eun' tiote mason rue ed l'Observatoire.
quand on allot asse mason parel qu'ale celle ed mononque Ambroisse i n'arrêtot pas ed verser à boire, tout in racontant des histoires ed mineurs. chétot un musicien, i juot du bugle dins les années trente dins les bals ed quartier.
un cop on li avot payer eun' flûte à bec pour esse n'anniversaire. chétot devenu un rituel pour li a chaque fos qu'on allot i rinte visite au bout d'un momint sans rien dire i s'éclipsot dins s'champe et i sortot esse n'instrumint et s' mettot à juer. sin morceau préféré chétot: Tyroler Polka, qui est dev'nu par la suite el mien.
à noter qu'ed sin gardin on avot eun' vue imprenape such'.... cimetière. des fos au soir quand on étot as'mason mi et m'tiote cousine, on allot dins s' véranda pour vire si i on n' véyot pas des feux follets et s'faire peur in même temps.
voilà ché la fin d'el saga des quatre frères Facon.
PS: si j'ai pu vous raviver queques souv'nirs d'infance à certains d'intre vous à travers mes quatre artiques j'aurais l'impression d'en' pas avoir perdu min temps et peut ete d'avoir fait plaiji à certains d'intre vous.
