cha y est ché les vagances
par minloute le, 11/07/2009cha y est , ch' dernier jour à l école y a passé, savez ch' jour du qu al' récréation in s' donno tous la main et qu in défilo in cantant "gai gai l écoyer ché demain les vagances , gai gai l écoyer , c est demain nous partirons, nous partirons à lyon, manger des cornichons, des cornichons pourris , mangés par les souris", fini ch' dernier jour d école du qu in pouvo ram'ner des juets in classe, fini ch' dernier jour que ché maites dins l' cour ed récré in sinto que pour eux aussi chéto comme eune délivrance
tout l' monte était rintré à mason, pour des destins bien divers pour ché deux mos qui allotent s écouler, certains partotent in vagances tout 'd'suite, d autes quand que ch' père i éto li meme in vagances, certains attindottent ed partir in colonie du coté d' grand fort philippe, d autes par conte i partotent pas, mais i l' disottent pas quand qu on leur peso l' question , chéto pas cor du sur, i allottent partir mais chéto pas cor sur del date, in savo ou in d'vino qui zallotent passer ché vagances à juer dins l' rue , à faire du vélo , à s' faire ingueuler du ginre "du qu' t éto , té do pas sortir del rue, fait attintion à ché carettes " mais yavo aussi, " oh laisse me tranquile , arrete ed' me coller, va juer dehors , si te sais pas quoi faire, tin père in rintrant i va t in trouver du traval dinch' gardin .... " là faut dire qu in d'mindo pas sin reste pasque si fallo ramasser ché zerpes, chéto pas ragoutant cha à faire .............