eun' ducasse qui n'existe pus

hé ouais mes gins, cha devrot ete el ducasse du 3 à Bruay malheureusemint i a pus rien. pourquoi j'ai m' petite idée mais ej préfère em' taire pour pas qui ai débat
pour arvénir ale ducasse, j'em' rappelle ed cha i a eun' trentaine d'années, oh, chétot pas eun' grante ducasse mais ale étot belle quand même, rappelez vous les anciens(iennes) y avot chés deux lot'ries Raymond in haut d'el rue d'Bordeaux, chés forains el long d'el rue Victor Hugo, el chenille rue des écoles sans oublier ech' bal monté sur el plache Martel avec de biaux orchestres. des fos nos parints i ar'passotent boire un dernier verre ach' café M.... in face du cimetière qui li aussi i a du fermer, ej' pinse que tous celles et ceux du 3 s'in souviennent i vindot aussi des fleurs et des bib'lots i faisot même el taxi.
j'ai rincontré un des garchons au mos ed' juille qu'ej connos bien pour avoir été à l'école Féix Faure avec, quand ej i a posé la question pourquoi i avot fait fallite i m'a juste répondu: "mes fleurs i z'étotent belles mais ale porte Nord i sont moins chères", vous allez m' dire nounours t'as un cop d'cafard? peut ete par ce que ej' sus un passioné ed ducasse, che vrai que cha m'fait mal au coeur ed vire cha.
j'em' sus trompé in mettant el titre du sujet ché pas eun'ducasse mais deux. celle du "viux marché" ale a subi el meme sort, à croire qui a qu'à Bruay qu'on vot cha, de tous les villes et même les pus tiots vilaches qu'ej connos dins l' PDC i z'ont tous leurs ducasses annuelles
vous allez m' dire à Bruay y a celle ed'Marmottan, ché vrai mais ché pas eun' raison pour que celles ed quartier disparaissent!!

Bonjour tertous.
Ché vrai Nounours i a bin raison del dire. L'ducasse du 3 chétot quequosse. I rappelle quique noms ed forains. y avot surtout les vélos zazoux ténus par Jean LEGRAND sur el plache du bas, à coté chés auto-tamponantes Crunelle, ch'manèche d'infants et l'tire al carabine Roland, L'barraque à Nougat "Mémère". y avot aussi Oscar, l'loterie avec sin rat qui faisot aller dins des cases à numéros. n'oublions pas Mimile Florent, ach comité des fêtes. Y faisot l'lacher d'ballons dins sin garache (France Fleurs) et pi chés grosses têtes qui défilotent et qui faisotent peur à chés jones. Un'pétite pinsée pour Mimile FLORENT qui est décédé sur el ducasse du 3 l'année dernière. I m'est arrivé ed'discuter avec el fille à Jean LEGRAND et d'vire el petit fils à OSCAR qui tiennent des stands su chés ducasses notammint celle du 14 juillet.
Que d merveileux souvenirs.