les quat' chemins

ché in bas del rue Anatole France à l'limite entre Bruay et Labuissière, quand qui y avo cor eune limite administratiffe j' parle y a pas eu d'mur d élevé ichi pour séparer ché deux anciennes municipalités ...... les quat' chemins cha ché un nom qui vous dit tous, un ch'min qui va vers Marles, un aut' vers Bruay, un aut' vers Barlin et ch'dernier vers Béthune,

ach' coin al'plache dech' magasin Picard y avo un bistrot mais j'a jamais su sin nom, vu que j'y suis jamais rintré, par conte in face du qui a l' barraque à frites, y avo eune maison tout'seule, comme eune ancienne ferme d' l'Artois, savez, plafond bas, toute in longueur et chéto t'nu si j' m abuse par un Duplouich à confirmer quand même , achteure cha a été rasé

Bonjour tertous. J'ai du faire un' mauvaisse manipe j'ai du invoyer min message avant d'l'avoir fini. Ch'veillis mal mes gins, ch'fait cha aussi avec c'que peux pas vous citer ichi cha s'ro indécent, j'invo tout avant d'avoir fini.
Donc juste à cote dech magasin Picard y'avot un pressing. In face à l'plache du nettoyache ed voiture chéto ch'garache Plateuroo. In ar'montant l'rue, à coté del coop y'avot l'garache VERDIER qui faijot les marques Lada et Toyota. Mais faudro pas oublier que dins l'fond dech parking du qu'y a l'barraque à pizza, y'avot un stock américain. Et, si j'ai bonne mémoire ché la qu'y a eu l'premier LEROY MERLIN qui étot au départ ech stock américain. Après y'a eu chti là ed Noeux les Mines. Mais là j'voudro bin avoir confirmation sur esse que j'viens d'vous dire.
Ch'sus passé y'a 2 jours sur el route nationale 41 et j'ai vu qu'un démolicho l'patronache du curé d'Labuissière. In y faijot l'cinéma du curé, l'kermesse paroissiale sans oublié l'cathéchisme. Chéto situé au croisement del route nationale 41 et del rue Jean jaures pour ar'monter dins l'centre ed Labuissière.
Mi j'ai l'impression qui vont ar'faire un aquarium comme à Bruay.
Adé mes gins

on les appelle les 4 quémins ed' Labuissière

Ch'est vrai Boxerman qui sont in train ed démolir ch'patronach ed Labuissire?
Dins l'famile in y a fait plein d'mariach', in y a fété les 75, 8O et 85ans de m'belle mère ches canchons is réson'tent cor dins m'tiête et j'nou vos cor danser, faire des farandoles etc... dommach', ch'étot pratique passe qu'i y avot l'cuisine et eun' pétite scène pou mète la musique ou ches musiciens, in y étot fin bénache pou faire la fête.

Ouais Minloute ch'étot amon Duplouich, ouais Boxerman i avot un stock américain et i a eu aussi Leroy Merlin et amon Plateroo i avot eun' pompe à essence, i faut l'dire passe qu'i i n'avot pas gramint à ch't'époque là.

Bonsoir mes gins.
In ar'montant l'route nationale 41 in direction Carrefour (Cora asteur), in partant d'ché quate quémins, y'avo l'garache Fiat CATTEAU à droite, (asteur y'est à gauche), y'avot Higi-Chauffe DUCROCQ et pi, din z'in espèce ed garache juste avant l'carrefour d'ech vélodrome, y'avo un' forge. un' forge avec un forgeron. Alle étot plachée à côté dech panneau indiquant BRUAY EN ARTOIS, 36 000 habitants.
Pour info, y'a un panneau qui indique core BRUAY EN ARTOIS, y'indique el cimentière du 3 ed BRUAY EN ARTOIS et non Bruay Labuissière. Y'est din l'cote Basly, à l'intersection del rue Victor Hugo in face des anciens meubles POIRRIER et VERON-COUSSEMENT.