l'histoire des 5 pinsionnés

dins l'temps, quand j'étos tiot et qu'ej restos cor à Bruay, y avot 5 pinsionnés qui s' donnotent rindez vous tous les jours, et par tous les temps susch' boul'vard Basly. i z'allotent faire leur prom'nate quotidienne, ché à dire faire un tour ach' bos ed Lapugnoy in passant par ech' cor du bos leurs mains derrière leur dos tout in discutant ed' choses et d'autres.
et pis les années ont passées i s'in sont "allés" chacun leur tour. des fos ej veyos el dernier ed la bande partir tout seu. à quoi qu'i devot pinser ? sûremint aux conversations ed' ses anciens compagnons ed marche.

y a quequ' mos quand je j éto armonté à bruay , j éto armonté à pied par là bas, in passant par l' rue d' la cavée pi j a été un tchiot peu m' perde dins ché rues, j avo du maux à m' souv'nir d' ché noms des rues qui zavottent été abattues

pas grand monte dins ché rues, quequ' jones à vélo, i zaurottent pas pu m' rinseigner, quand que d un coup j' vo un viu monsieur déboucher d eune rue, chéto un arape, et j a été l aborder
d' abord un tchiot peu surpris, j a vu sin visache s ' illeuminer quand que j y a d'mindé l' nom des anciennes rues, ah mes gins, j arrivo pu à m in dépétrer, j' dis cha avec beaucoup d' tendresse , j avo l imprssion qui s' dijo ENFIN quequ' un i m acoute, quequ un i s interesse à ce qu' cha a été
aprés sin visache i s a obscurcit , d' li meme i m a parlé des jones qui trainottent , du manque ed respect , j' pinse aussi qu au d'là d' cha i argretto l' temps passé , sin temps

faut dire que là haut au numéro 3 cha a pas fait dans la dentelle, si zetes pas armonté la haut d' puis eune dizaine d années, cha va vous canger ché sur ..heureus'mint y est cor là , ch' terril du 3 , i d'do s' sintir délaissé, abandonné
d'là haut i vo ché cang'mints, in abat des corons et in arconstruit ,et j' sais pas quo ché qui prennent comme briques achteure ,y a plein d'traces blanques su ché murs, ah zallez dire ché d' l effloresence, cha part avec l' temps, bin y a quand meme des batimints qui vont bientot feter leu 20 ans et que ché traces sont cor ed sus ...........
dire qu in s' promene dins bruay , j a pas s' t ' impression là , j' diro plutot qu' on erre, qu on s y artrouffe ed moins en moins, quartiers rasés, commerces freumés, pu grand monte dins ché rues ... in l a djà dit j sais pas combien d' fos , mais cha nous touche toudis autant