el poupée qui marche, ou des sans gêne
par nounours-94 le, 26/12/2009té vas m' dire: dusse qui est l' rapport nounours? lisez bien c' qui suit!
nos visins, quand on restot à Bruay ech' l'homme i étot porion donc forchémint pus riche que nous. et comme i z'étotent un peu fiers c.. i fallot que leur file soit toudis première à l'école esse qui n'li posot pas ed prob' parce qu'ale éto super intelligente. et ses récompenses i z'étotent à la hauteur ed'ses résultats.
un jour comme cadeau ed' noël i li avotent offert eune poupée qui marche. cha devot ete les premières. in avot jamais vu cha. i z'étotent vénus ale mason nous l' faire vire sans ete géné. au bout ed presque 43 ans j'el vos core intrain ed' déambuler comme un être humain. quand i sont partis mes pinrints n'ont rien dit mais ej sus sûr qui z'in pinsotent pas moins. ben ouais min père i s'avot décarcassé ale fosse pour em' payer eune tiote guitare à 10 francs 6 sous....