ché arconnu par ché med'cins

i zont fait eune étute j' sais pu dans quelle revue médicale que j a vu cha, mais y parait que ché prouvé , l' cang'mint d' année cha peut provoquer à certains des angoisses voir des malaisses
j a trouvé interessant d' vous in parler vu que pour ch' t année ché fini mais qu in peut déja s' préparer pour l année prochaine

zallez dire commint qu on peut attraper ché malaisses là, alors d ' abord ché les symptomes , i n a pendant la crisse et i n a l' lend'main au matin

pendant la crisse ché facile, ché quand que so te fait un concours, chti qui bo l' plus, ou alors pire chti qui fait l' plus d' mélanche et qui va visiter toutes les couleurs alcoolisées du blanc le plus pur au rouch' l' plus intense ....
faut s' méfier du blanc le pu pur qui arsonne à l' io , mais quand que tel' bo camarate ché pas l' meme sensation, j' diro meme que ch' premier verre in a du mau al' boire pi aprés tro quat' in n a jamais été aussi bin

ché aussi, "tiens te pon pas arpartir sans avoir gouté cha" ou "goute me chi" ou "té conno pas cha" ou " j a acaté cha pour ti té peux pon arfuser " et la réponse d' habitute "bon allez mais un fond "

in sait qu' que ch est les fonds, les tchiots ruisseaux qui font les grantes rivieres et tout cha que j' vous dis meme si zavez décidé d' ete raisonnape ché a dire ché pas vous qui conduisez ou cor miu "in jue à domicile'

bien que l' fait ed juer à domicile cha a pas que du bon, ché sur in est plus vite au lit et in est sur d' pas dégobiller dins l' carette in rintrant pasque cha tourne ou alors que grand mère ale a mis l' chauffache dins l' carette pasque i a del buée à l intérieur que ti te li dit " acoute j' va souffler sul' vite cha va partir aussi vite" mais que là mes gins in pourro respirer dins l' carette
mais juer à domicile ché pas facile aussi pasque ché vicieux ch' coup là, pasque eune fo tout l' monte arparti , in va s' couquer , in verra bin d' main


mais alors d' main ché pas d'dmain qu in devro dire ché taleure, vu qu el' nuit ale est djà bin entamée....

et là mes gins qu on qu in s' leve ou plutot quand qu on do aller s' lever, vu que l' vessie ale est pleine, ou pire que l' midi té do aller minger ché l' belle mère, là té sint que t as perdu presque l' sens d' l orientation in tout cas presque l équilibe , comme si l' mason ale avo décidé d' berloquer pour t empecher ti d' aller minger ch' midi ché belle manman ...

là té assis au bord du lit, t essaie d artrouver tes esprits et là t as grand mère qui dit allez faut y aller , et là t eut' dit qu ale fait d expres d' parler fort pasque dins t'cal'basse cha resonne sacrémint ....

et là mes gins l' pire la descente aux enfers ché d' abord ed déchinte l escayer, pas facile en pleine tempete dins ' tiete , avec les murs qui s' rapprochent et qui s éloinent aussi vite, tiens bon minloute té presque in bas

là té va aux toilettes au radar, faut pas s' mett' d'vant d' ti , tiens ch' cat qui éto v'nu t'dire bonjour et que t écrasse sans l' avoir vu, qui gueule comme un veau , qui t' griffe et que ché cor des' faute d' s et'mis dans tes gampes

cha y est té in bas et là mes gins là y a un piege , allez pas dins l' cuisine si grand mère ale pas débarassé l' tape ou que l' vaisselle ale est pas faite vu que grand mère ale éto aussi un tchiot peu mate enfin moins qu'ti pasque elle ale a pas oublié que ch' midi chéto l' momint l' plus important , allez minger ché s'mère , que pour ti ché presque eune corvée et qu aujourd hui ché verdun ...

ouais l' pire ché les tapes qu in a laissé in plache , avec l'odeur du champane et du vin dans l' fond des verres

ti t as un haut l' coeur, cor heureux que ché ouatères sont cor pas trop loin , mais tet' pose quand meme l' question ché pas possipe d avoir mingé comme des porcs comme cha hier , vu que l' nappe in papier ché pu qu un souv'nir, y a des verres renversés, des bouts d'tartes qui trainent au fond des assiettes, dur dur à sintir et à vire tout cha ...

là t as un momint d' solitute, quand te do t arlever des ouatères, à accroire que pendant la nuit , in a cangé ch' sieche et qui est beaucoup plus bas que d habitute

te sort et t a invie d' dire "ch' midi j y va pas" mais tel' dit pas , pasque grand mère al' guette et elle a est bin déssoulé