bord' d' mer
par minloute le, 11/01/2010à la mer, j' vous parle jusqu à la fin des années 60 , in pouvo construire des cabanes in bo l' long d' la plache ,cont ' ché dunes, chéto c' que faijotent ché gins qui avotent eune mason d 'vacances à la mer
d' dins in in metto des chosses, in allant du seau et del' pelle jusqu à l'grante tente
ché chéto super pour s' protéger du vint et du solel, un seul bémol et j' diro meme d' poids, ché que chéto nin leger à transporter
y avo l' toile complete, pi ch' mat central in fer, pi ch' s'seau du que d dins i yavo ché sardines pour accrocher avec eune fichelle à ché zeuillets in bas del toile, pi aussi aux quat' coints pour bin rigidifier l ensempe
fallo nin qu' cha qué su ché gins , chéto pas léger j' vous l avo dit
l' premiere chosse que ché grands i ravisotent chéto l' marée, du qu ale éto et si ale monto et si ale déchindo, pas la peine d' planter trop loin si l' mer al' monto, si fallo l' armonter eune seconte fois , du brin
chéto eune expédition quand que ché zadultes i devottent l installer, nous in voulo tout d' suite aller in d' sous, mais in s' faijo gronder, nan ché pas fini d' fixer cha peut vous querre d sus
enfin chéto bien arrimé, nous in voulo aller juer à l intérieur eh eune vraie grante tente d indien
à s' deminder si ché parints i zinstalotent te pas cha pour nous faire huigner , pasque dés qu in voulo juer à l interieur in avro dro à "mais quo ché qu' vous v'nez faire ichi, allez juer dehors , y a pas assez d' plache ou quo ? allez et arretez d' courrir , vous j' tez du sape partout
ouais fallo pas j'ter du sape partout, que raison'mint ....autant qui restent à leu masons ché raleux, eune plache , eune vraie plache ché du sape et du sape fin..me parlez pas des plaches ed galets qu in do met' in permanence des belles sandalettes in plastique jaune .....
nan fallo pas soul' ver l' sape pasque y yavo l' grand mère qu ale avo pas trempé les ortiaux dins l' mer depuis que ché zal'mands i zavottent installés ché bloquausses
nan l' grand mère al' veno al' mer pour tricoter , d ailleurs à Merlimont ale tricoto toudis, so al' plage so dins sin fauteul à coté del' grante farniete qui donno sul' rue
donc zavez compris que l' tente chéto nin pour nous, chéto presque d ailleurs une tente d' chevayiers , ou d' reine
pasque parel , y avo des sieches mais pas pour tout l' monte , parel chéto pour ché "viux" , par conte si nous in pouvo pas si assire, in "avo l'dro " d'porter les sieches jusqu à l indro que djà les grands i zétotent in train d' planter ché piquets pour monter l' tente ..
in éto bon pour porter mais in pouvo pas s y assire ed sus ...
nan , tin maillot y est mouillé ....combien d' fo que j' la intindu.....
l' tente chéto bien aussi pasque chéto un sacré point d' ralliemint , nous in parto s' baigner et quand qu on armonto, in raviso d abord du qu ale éto l' tente et aprés on commincho à courir vers elle, souvint in grelottant, pasqu i yavo souvint un tchiot vint bien vivifiant ...
in s'récauffo les pieds, et souvint in s'jetto dans les baches , pasque là chéto bien caud, in arparto à toute blinte, en évitant ché coquillaches, ché médusses, ché trous d io, ché zalgues, et surtout in essayo d' pas perte ed vue l' fameusse tente
on armonto , et in allo expliquer à ché parints les aventures extraordinaires qui nous zétotent arrivés durant leur absence au bord d' la mer , à croire que ché zénormes vagues al' zarriffent toudis quand ché parints i sont nin là.....
nan nan nan fallo aller plus loin , attinte que l' mère ale prenne l' serviette d' bain et qu ale t essuie, pasque sinan, t allo t assir là juste à coté tout in s agitant , nan nan
après in avo dro d' s assire tout inroulé dins l' serviette, et là l' mère ale sorto du sac , bien inv'loppé dins un plastique, l' grosse tartine avec du chocolat d' dins
et cor fallo pas faire attintion d'faire tomber ch' chocolat dins l' sape, pasque té pouvo frotter aprés, i resto toudis un tchiot grain d' sape et chéto pas agréape dins l' bouque ....
y a des fo , quand meme , quand que ch' vint i s' levo, d aller au fond del tente, là in avo ker cha .. in voyo l'toile d' tente qui bougeot , qui claquo , pi in intindo l' sape rouler sul' toile
nous in éto heureux, in éto les seules, déjà l' grand mère al' demindo à r'monter nous in dijant nan nan in reste cor un tchiot peu
et comme ch' vint i s' soul'vo i a fallu démonter , mais là parel, in éto pas les bienvenus pasque l' démontache del tente quand qui y avo du vint fallo faire attention d' pas s'printe cha su' l coin del guiffe
nous ché tchiots in avo ker s' met' cont' l' vint et sintir le sape piquer nos gampes et ché là que les parints i nous rap'lotent à leu bon souv'nir so pour porter ché sacs , ché fauteules et pour ché plus grands ch' piquet del' tente , pasque comme ch' vint i's'levo fallo donner l' bras al' grand mère pour pas qu elle quée
zallez dire mais que vacances .... bin j auro ker pouvoir arvenir comme cha in arriere pour arviffe cha au moins eune fo...................
( 1 photos)