l' ducasse rue Marmottan
par minloute le, 13/01/2010in y déchindo régulier'mint al' ducasse et cor y a fallu que j a bin 13 ans pour pouvoir y déchinte avec mes camarates, chéto en plein jour et y avo pas d'danger particuyer
asteure i s artrouffent des jones d' 8 10 ans dins ché rues la nuit ....
in avo dro ach' momint là à un tchiot peu plus d argent d' poche qu' d habitute , mais fallo pas acater nimporte quo quand meme ..... bon allez m'man j y va , ouais me te fait attintion in traversant , pi chtilale qui est avec ti méfie te quand meme tel' conno , te sait qui i arriffe toudis des histoires ...
bref ché r'commandations que ché manmans al' donnottent à ché zinfants .....
in avo comme point d' ralliemint avec mes copains l' coin d' la rue d' Béthisy , in éto bin habillé , in éto les rois du monte, comme achteure dins les rendez vous in n avo tout in in r'tard et is' faijo app'ler Arthur chti lale
cha yest tout l' monte y est là , bon y a bin li qui a d'mindé si s'soeur ale pouvo v'nir avec nous, mon diu que malheur pas elle , nan in reste intr' hommes .... tant pi pour elle, ah nan chi chéto pour faire del' garderie
pi chéto sur qu in auro pu faire ché zazous in rintrant vu qu ale auro raconté as' mère qu in sonno à ché sonnettes et qu in déquerpisso à toute blinte ...
in déchindo la rue Raymond Deruy, l ancienne rue d'Anzin, applé cor avant l' cité 27 et plus familier'mint l' long coron
pasque chtilale , avec les rues d' Dakar et companie du coté du 6 et l' rue desseiligny au 3 cha chéto des rues à pert' d' vue et cor, l' rue raymond deruy ale éto bordé que d un coté tout l' long par des corons , accolée qu ale éto al' rue d' denain
in déchindo comme des vainqueurs, les zuns à coté des zautes, ché mains dins ché blousons courts, l air "dégagé" , attintion ché nous qui déchind l 'rue
savez comme dans les 7 mercenaires ...
in parlo fort, in gardo l' tiete droite si in rincontro un adulte ....