histoires-de-chtis® depuis le 20 février 2005

 

 

Les 60 dernières histoires


  au coin d' la rue de périgueux et et de grenoble (26/07/2017)
  du bout des léves .... (26/07/2017)
  Tour de France (23/07/2017)
  cha vient de Naxos (22/07/2017)
  Première descente (16/07/2017)
  la croix de grès de Divion (10/07/2017)
  attintion aux courants d air (06/07/2017)
  Merlimont hors saison 14 (05/07/2017)
  gai gai l écolier (04/07/2017)
  Merlimont hors saison 13 (03/07/2017)
  Merlimont hors saison 12 (02/07/2017)
  Merlimont hors saison 11 (02/07/2017)
  Merlimont hors saison 10 (02/07/2017)
  Merlimont hors saison 9 (01/07/2017)
  Merlimont hors saison 8 (01/07/2017)
  Bruay et el batalle du carbon (27/06/2017)
  Merlimont hors saison 7 (18/06/2017)
  Merlimont infinqué (11/06/2017)
  La mairie de Bruay en feu (08/06/2017)
  Merlimont hors saison 6 (06/06/2017)
  Merlimont hors saison 5 (05/06/2017)
  Merlimont hors saison 4 (04/06/2017)
  Merlimont hors saison 3 (04/06/2017)
  fête des mères (28/05/2017)
  Flameng, Vimy, Ravel, Cendrars (25/05/2017)
  décès de Monsieur Joseph Malecki (23/05/2017)
  cha tourne à toute blinte (20/05/2017)
  j y a cru (20/05/2017)
  ah l' bon gout d' la levure (18/05/2017)
  souvenir du vélodrome de La Buissière (16/05/2017)
  Merlimont hors saison 2 (14/05/2017)
  j' fais m' b a (14/05/2017)
  Merlimont hors saison 1 (13/05/2017)
  Merlimont hors saison (10/05/2017)
  barraqu'mint près de la rue de maubeuge (07/05/2017)
  pas comme ché belches (06/05/2017)
  mais commint qui fait ? (02/05/2017)
  1978 drole d' caricature (01/05/2017)
  les élections présidentielles (29/04/2017)
  ch'est pas pour les éfants (28/04/2017)
  rin qu à l odeur (25/04/2017)
  vous zin prindez bin eune tranche (24/04/2017)
  le balto ou le marigny fin (22/04/2017)
  le balto ou le marigny (22/04/2017)
  pour ché polonais (22/04/2017)
  Langue, rollmops et oignons vinaigrés ! (21/04/2017)
  là ch'est pour les sensations fortes (20/04/2017)
  allez in faire minger asteure (19/04/2017)
  au matin (17/04/2017)
  prochaine série (13/04/2017)
  Min pépé à mi (06/04/2017)
  bientôt 3 ans ...... (26/03/2017)
  minloute au bordel (26/03/2017)
  faut ti in rire ou in braire (19/03/2017)
  Liévin, Cérémonie et commémoration du 16 Mars 1957 (17/03/2017)
  la p'tite clef du bonheur ... (09/03/2017)
  yoyo le deglingo (05/03/2017)
  Raymond KOPA (03/03/2017)
  Marinette (28/02/2017)
  j auro pas du aller rouvrir l' portal (26/02/2017)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 FRYHTAN ( 30/06/2017)
Bonjour à toutes et ...
 Pascalou ( 25/06/2017)
Bonjour à tous, je v...
 Greyg ( 15/05/2017)
Bonjour à tous, Je ...
 mineur toujours ( 04/03/2017)
l'écomusée de Noyell...
 ch piou ( 20/01/2017)
Je vous écris ces qu...


Liens
Histoires de chtis sur votre site
la ducasse rue Marmottan fin
par minloute le, 17/01/2010  

aprés ch' défilé des majorettes, in allo jusqu al' plache Marmottan du qui yavo ché plus grands manéches.

au passache in raviso ché garnoules , mais comme in éto cor jone, chéto plutot d' l invie brouillonne et in auro jamais osé faire ech' premier pas

pourtant savez j éto bio avec min tro quart .... chéto eune espece d' caban in cuir artourné , avec des séries d'boutons sul' devant , mais ch' plus bio chéto l' col ...

un superbe col artourné in v tout cha arcouvert d' poils d' acrilique
connaissez pas comme animal l acrilique ? ché eune bestiole qu ale vit pas par ichi , mais surtout en chine, am' n avis cha do et' eune sorte ed cochon chinois

ouais in dit que dinch' cochon tout yé bon, et qu in jette rin, bin parel avec l acrilique, i zin font des pulls , des kemiches, des cauchettes ......

j arviens à min sujet, j éto bio avec min tro quart , par conte j avo min bouton qui pousso au coin d' min nez

que y a des coups j arrivo al' claquer et n in met' such' miroir ami poéte bonjour ....mais ché vrai et in l a tous fait comminchez pas à l' ver ché bras au ciel , ou alors zavez fait comme i dissent "un blocache mémoriel"

ché files nan , chéto pas cor dins nos préoccupations , nan i tombo raite plutot d' vant eune 101 peugeot que devant eune garnoule

in faijo pas trop les marioles non plus pasque i avo aussi des grands qui étotent là al' ducasse, pi savez l' ducasse del plache marmottan chéto eune grante ducasse, t avo tout bruay qui i dévalotte, mais chéto nin not' quartier , et y avo ché grands du quartier du 3 , drole ed quartier d' ailleurs , escuse me Nounours, mais chéto l' sentimint qu on avo quand qu on étot tchiot ...

faut dire qu' ach' momint là à Bruay comme partout dinch' bassin minier, y avo du monte, que chacun i vivo dins sin quartier, l'2,l' 3, l'6, et qu in plus comme Bruay ale éto construite sur plusieurs collines cha facilito pas les échanges
chaque quartier avo ses commerces, et quoqu' j' iro faire au 3 ? d ailleurs ach' momint là j éto chez papa manman, et y a rien qui m attiro là haut, in plus que quand qu on y monto avec min père et m' mère chéto pour la toussaint pour aller sul' tompe des parints à min père ....

j arviens cor ach' sujet , in arrivo place marmottan, alors là chéto l' bazar organisé, y avo toutes ché attractions comme ché totos tamponnantes, l' chenille, les grantes balançoires ,avec un plus l' bruit des garnoules qui criottent d peur dins ché jeux là , sans oublier l' musique à toute blinte

cha sinto l' barbe à papa, et surtout mes gins l' barraque à frites

j' dos avouer que j a cor ker minger des frites comme cha à mon d in marchand , avec eune saucisse pi del ' sauce, hé , j va pas canger ......

le lieu l' plus important et qu in raviso avec invie, chéto les totos tamponnantes, y avo ché carettes sul' piste et souv'nez vous l' tiche in fer arcourbée qu ale frotto such' grillache au d'sus et que cha faijo d' zétincelles "ti va pas ti, hein, meme avec tin cousin hein ? y a eu des morts " vla commint m' mère ale m a traumatisé et que j a du monter qu' deux coups dins ché totos tamponeusses dins m' vie

mais l' plus important du qui yavo l' plus d activité chéto autour des auto tamponeusses, chéto ché groupes ed garchons et files, cha parlo fort, cha s'serro dins les bras, cha s imbrasso vinguette chéto pas cor pour nous ... nan nous in éto cor saches, groupes exclusifs d' garchons , ou groupes exclusifs ed garnoules , chéto cor eune époque du que, à part bin sur l' famile "tuyau d' poele" qu in avo tous dins s'rue , ché files ale fréquentotent pas avant d' avoir 17 18 ans ...cha f'ro presque sourire achteure

aprés quo comme souv'nir ? savez y a des souv'nirs sonores comme ché marchands qui vous incitotent à v'nir juer al' loterie , l' musique qui cracho des hauts parleurs, y avo des souv'nirs olfactifs comme l'odeur des frites, et ...l 'odeur d' pichate su les cotés d' la salle des fetes ......
ché cafés i fonctionnotent à toute blinte, in intindo qu' cha parlo fort à l intérieur, et y avo un sacré paquet d' finquée aussi, y avo ch' concours d' javelots qui avo lieu durant l' ducasse

aprés nous in éto sérieux , in raviso l'heure, fallo et' rintré à l heure prévue, chéto nin pour nous et d ailleurs quo qu in iro pu i faire, chéto nin pour nous ch' bal qui allo avoir lieu

garnoules, bistrots, bals , tout c' qu on raviso in s' dijant interieur'mint, un jour cha s'ra pour nous , in l a fait ché sur , mais in savo pas que dés qu in mettro l' baque au do cha s'ro pu l' meme musique


 


Contact | ©2005 histoires-de-chtis®.com - Webmaster : Gold77 - CNIL : 1075910 - 16 visiteurs connectés - Qui est connecté ? |