l' d'sous d' pull in nylon

acoutez mes zinfants vous qui avotent te pas connu l'époque bénie des d' sous d' pull in nylon quand qu in porto cha , qu in éto cor au CES , qu in intindo al'radio que Mike Brant i éto qué du quatrième étache, qu in acato Podium ch' journal ed claute francois ou MS ch' journal ed michel sardou
chéto du temps que guy lux i éto l' grante vedette des variétés, que léon zitrone i comminto l' tour de france avec daniel pautrat .....

in acouto les rubettes , dave qui cantotent so in anglais so in francais "chougare bébilove " et nous in porto ché d'sous d' pull in nylon ...

commint vous dire , l' d'sous d' pull in nylon yavo des bons et des mauvais cotés

j' va d abord vous citer l' principal bon coté , ché que , comme chéto in nylon , chéto super moulant , et que comme chéto la mote bin tout l' monte i métto cha , et nous ché garchons in pouvo noter ché paires d' gougouttes des files del classe pi du CES, y en n avo cha rimplicho djà la main d un honnete maneuve ... sans parler d' celles d' certaines profs qu in avo , que j' do vous dire qu i a des coups so chéto pour un probleme d' carette ou j' sais pas quo , chéto l' mari qui l accompagno jusqu ach' lycée et ins d' dijo in l'ravisant avec eune sacrée pointe d' jalousie, ah chtilale i do pas s innuyer ...

zallez dire minloute i s' lache, nan, mais faut ap'ler un cat un cat , in éto dans eune périote du qu in avo des coups d' sang pour pas grand cosse, bon achteure ché pu parel, in est plus diesel , mais que voulez iach' proverpe , neiche sul' toit , feu dinl' cheminée .....

et pi in a tous passé par là, j' do meme vous dire , et cha j' le dis sans dire sin nom acht'te prof, y a pas longtimps j artrouffe sur copains d avant un camarate d' CES que j avo pas arvu d'puis 1975 1976 et bin croyez me pas si vous voulez , à peine eune mineute qu in parlo du CES , que l' nom d' eune prof i a arsorti et qu in a fait l' meme reflexion, qu ale metto des mini jupes et qu in voyo sin panty....................... Nounours j' cro que te sais qui ché mais te dit rin , faut respecter ché gins quand meme .... ché vous dire qu in avo l' sexualité à fleur d pio , et chéto pas qu in mot ...

donc pour arvénir au d'sous d' pull in nylon, comme j' diso ,sacré avantache , i moulo l' corps , in a tous attrapé j' vous dijo, l' bleuss' vue à raviser d' travers , eune copine , eune voisine, ou alors commint vous dire , ouais j va et' poéte achteure ché comme chi que chéto eune fleur qu ale éto freumée et là qu ale s' ouvro à vous
bref in l avo toudis vu chel'lale avec un gros pull et là comme cha avec un sous pull oh vindiousse ............. faut dire aussi que entre l hiver et l' printemps in avo grandi aussi , et à cht' ache là , ché sensipe , tout qui pousse, ché gougouttes, ché poils et ché boutons ........ que misére ché boutons , mais bon

donc zavez compris ichi l avantache d" sous d' pull , mais bon y avo des zinconvénients , pasque ché vet'mints d avant i zétotent pas aussi legers qu achteure, ou alors commint dire cha que les matieres ale zétotent moins perméapes, bref bonjour les ptites odeurs in fin d' journées, imprisonnées là d'dins

pasque chéto vicieux l' d'sous d' pull, pasque quo qui s a passé , in a vu que d'sous d' pull i éto trop moulant , donc quo qui faijottent ché manman pour camucher les gougouttes ed leu garnoules ? bin ale donnottent un bon gilet sans manches trichoté avec del laine acaté à mon phildar ou à mon dech' pingouin .....

alors là .................. l' caleur du gilet in laine sans manche , mélingée avec l' caleur des zaisselles imprisonnée par ch " sous pull in nylon verdun mes gins verdun .........

y avo un truc quand meme rigolo au soir quand qu on artiro ch' sous d'pull in nylon, fallo faire cha dins la nuit, si t artiro ch' d'sous d' pull à toute blinte cha faijo "cri cri" dins tin dos et cha faijo d' minis étincelles ....

sans oublier ceux qui avotent d' longs caveux t avo l impression qui zavotent touché ch' paratonnere ....

a que temps mes gins, eh ouais, l' temps des d'sous d' pull in nylon

ah i fallo pas l' ver sin bras au tableau à coté dech' prof pour écrire, i s' ro qué à terre ,