rénovations dans les cités
par Lucie Krawczyk le, 24/01/2010Bonsoir,
Dins chés cités, y'a gramint d' masons vit', vous z'avez r'marqué ?
Bon, j' veux bin crôre qu'y'a des gins décédés ou qu'y z'ont déménagés, mais y'a p't'êt' aussi des gins qu'y n' n'ont p'ê't' marre d' viv' dins des masons non rénovés !
Y faut dire qué Maisons et Cités(avint : Soginorpa) n' rin pou' arringer les affaires !
Quind in d'minte des travaux, y'a toudis eunne escuss' : pas ou pus d' sous, projet d' rénovation ou d' restructuration (souvint, in n'in vôt pas l' couleur !),...
Chés agints d' cité, jé m' deminte si y sont vraimint des infants ou p'tit infants d' mineurs!
Y' aurôt un trô dins t' toiture et qu'y plévrôtte comme vaque qui piche à l'intérieur, bin,... chà n' nuit pas à l'habitabilité !!!
L' pire dins tout chà, ch'est pas eusses qui viv'ttent dins des masons qui s' délabrent, même si in les intretient !
J' comprinds pas pourquô (car ch' t'un sacré patrimoine immobiler, intre nous, chés masons des mines, nan ?), y n'ont jamais ou si peu voulu les intret'nir !
Ch'est sûr qu'à forche de s' délabrer, chés baraques, même intret'nues par chés gins, bin,... elles sont abindonnées, barricadées, livrées aux aléas dé l' nature, des voleux,...
Dire qu'y'a tint d' personnes qui cach'ttent des loIers pas quèrs et qui veul'ttent s' loger !
A s' deminder si Maisons et Cités n'a pas b'soin d' sous !
D' nos jours, y'a quind même des rénovations ou des réhabilitations, mais chà fout l' brin dins les cités (chés rues sont démollies, in peut pus rouler in carrette, y'a des trôs partout,...) et ch'est aussi l' foutoir dins les masons car té n' peux pus viv' d'dins tell'mint ch'est l' bazar (pus d' cabinet, pus d'ieau, pus d'électricité, l' désert complet !)!
Alors, in t' mets dins eunne aut' mason (opération tiroir qu'y diss'ttent)!
Pourquô, dites-me, y z'ont pas pinser à rénover chés baraques quind in leu' demindôttent au momint propice, hein ?
Après, in s'étonn'rat qu' chés gins font des travaux eusses même et qu'y refuss'ttent les travaux !
Car faire des travaux, chà coûte !
Jé n' fais pas d' procès à chés rénovations, car mi dins m' cité, y'a pas d' programme d' rénovation, in est les z'oubliés d' Libercourt, ch'est à s' deminder !