portes in bo....
par minloute le, 04/02/2010cha ché vraimint eune association d esprit quand que j vo eune porte d' mason à battant , tout d' suite cha m' fait pinser à l odeur du biftek qui cuit avec eune pointe d ale ........
cha ché coté odorat, aprés coté acoute chéto l' crincrin euh escusez me "le poste"
odeurs, bruit dech' crincrin, ingueulates d' couple, brayaches d' infants ...
chéto animé d' dévaler par ché rues dins ché corons quand qui faiso caud, chéto animé d' intinte tout cha tout in dévalant l' rue
souvint in a vo mis ch' pépé sur eune caielle such' trottoir , "i prénno l air" , in avo nos zabitués et j' me souviens qui en avo avec qui in parlo toudis in bas del rue raymond deruy su la droite juste avant la rue duquesnoy, mais impossipe a m' souv'nir dech' nom du monsieur chéto pas Desoutter, Vangeldher, mais un nom comme cha
in tout cas quand qu in passo nous les jones ed 10 12 ans in allo li serrer la main in passant quand qui éto sus' caielle, pas pour s' moquer j' vous jure, nan chéto eune figure ch' gars là , i connaisso tout l' monte dins l' rue et i éto gentil
quand qu in passo comme cha d' vant ché portes du que ch ' battant i éto ouvert , in j' to un coup d eule d' temps en temps à l intérieur , in tombo dins ché masons ed droite rue raymond deruy sul' salle qu ale faijo salle à minger, "salon" et cor quand que j' dis "salon" cha a vraimint existé du momint que l'télé ale est arrivée, mais faut dire aussi que l'télé cha a fait qu in a vu aussi moins d' viux su ché trottoirs, suffiso d' les mette d'vant ch' poste
quand qu in passo d'vant ché masons du que ch' battant i éto ouvert in voyo presque l' meme chosse, dins ch' fond un buffet avec des cades d' communiant, d ' jones militaires, quequ' fos des r'présentations d' bernadette soubirous .....
pi y a eu ché rénovations d' mason , et in a cangé ché portes à battant par des portes du que ch' miyeu i éto vitré avec du verre cathédrale ché sur cha donno plus ed lumiere dins l' mason quand qui faijo pas trop caud , mais d un aut' coté t avo pu l alternatiffe d avoir eune porte à mitan ouverte ou freumée, nan achteure chéto toudis freumé
cha s' ro v'nu à pas personne d' laisser ouverte eune porte intiere donnant sul' rue
sul' photo ci jointe , eune porte à battant hélas freumée, l' photo ale date d' 1919 ale a été prise cité 7 , rue d anzin, l' future rue raymond deruy
Minloute, ch'nom ch'étot pas Desetter, dit "gampe ed bos" passe qui avot eun' gampe raite et i roulot dins un fauteule roulant qu'i faisot avancher à l'forche ed ses bras avec eun' sorte ed pédalier.
J'mets aussi eun' porte à battants et ch'est dins l'rue que vous connaîchez, avec min frère d'vant l'porte qui v'not d'passer l'consèle ed révision et qui a perdu sin bras à l'fosse 4, dins l'année qui a suivi j'cros bin.
j'avos eune tante qui resto dins l' rue ed' Bellevue (vous allez core dire arv'la cor nounours evec esse rue ed Bellevue ché pas d'em' faute ché tout eue partie d'em' n'infance) el problème ché qu'à l'étot pétite. pour qu'ale puisse raviser ale porte i a un ed' mes oncles li avot fait un marche-pied. ben ouais ale étot curieuse comme eune maguette à cha cop qu'ale intintdot un marchand klaxoner ou des gins parler dins l' rue i fallo qu'ale va vire ale porte.ale avot toudis eune expression ché quand on allo as' mason à l'improviste ale diso toudis:
"justemint ej'pinso à ti z'autes".
quand j'armonte au 3 j'oublie jamais d'aller i mettre un bouquet ed' fleurs sur esse tombe.ché t'eune femme qui a eu granmint ed' malheur à l'a perdu esse file ,sin garchon morts tous les deux d'eune méningite et s' n'homme d'eune crise crdiaque in 6 mos ed' temps.conséquence ed' tout cha ale est dev'nue sourde.cerise sur el gateau si ej' peux dire chéto pendant la guerre ché allemands voulotent l'invoyer in Allemagne pour le S.T.O.
ej cros qu'em' sus un peu éloigné du sujet.mais tant pis. cha vous f'ra d'el lecture
bonne pioche Lou Marcel , chéto bin li ....
par bernard delmotte le, 07/02/2010Aprés quelques années d'absence je reprends contact avec vous autres. "d'puis temps, Inn'a del lecture ..." Pour cet article je vais parler "parisien" et après je me remettrai à essayer d'écrire comme vous autes.
En ce moment j'ai ma Mère à la maison. Elle est arrivée en 1950 au 9 rue Duquesnoy et elle en est partie en 2008 après le décès de Papa.
Loumarcel parle de mr Dezeter et s'gampe ed bo mais dans le méme coin elle me dit qu'il y avait un vieux (elle a 86 ans, mais elle, fait pas encore partie d'che vieux ...) donc avot un vieux qui étot souvint sus porte et qui parlot avec ché gins. y s'appélo "Louis 15" parce chétot l'quinzième de s'famille et chétot un n'veu à min grand pére Louis.
yétot égalmin parein avec Marcel CRESSENT qui restot al première maison avec ché gardins devant. Ou alors ché peut éte Marcel DURANT(D) qui étot souvint sus porte, s'femme chétot Margot.
Aprés elle s'in rappelle plus car comme elle dit :"cha a telmin quangé, que j'conno plus personne ...)
Voilà, A bientot tartous.
Nanard.
Bernard Delmotte cha m'dit quiquosse.
Té parles ed Marcel Cressent cha s'ro putôt Marc Cressent ou alors Marcel cha s'ro sin Père.
Pou ar'vénir à Desetter "Gamp'ed bos" ch'étot in onque à m'femme
( 2 photos)