faut jamais désespérer suite et fin
par minloute le, 21/02/2010donc minloute i s artrouffe tout seu dinch' garache à ranger, à raler, à fulminer
ah là si y a un truc à grand mère qui traine, un bibelot qu ale avo dit y a un momint "surtout j'le garte ché un cadeau d untele" bin ti ch' coup chi sans rin dire, clac ch' couverque del poubelle y a vite levé et arbaissé
j avincho bin dins min rang'mint, cha faijo bin eune heure que j avo pas vu grand mère, l' colère ale éto ardéchindue , et la vla qui vient dinch' garache , oh pas pour donner un coup d'main nan pour aller finquer al' porte comme ale fait d habitute , vu qu on finque pu al' mason
dire que j' finquo 50 cigarettes par jour, et là clac fini , mais achteure pu que j avinche dans l' temps plus que cha m incommote
ale ouve l' porte et ale crie "bonjour mon chéri !"
alors grand mère ale passe d'vant mi ,mais comme ale sait qu ale avo fait eune betisse à pas m avouer qu ale avo cassé quéquosse, ale passe in armuant sin derriere , comme chi j allo raviser , bon j a ravisé quand meme mais rin que pour vire si ale cogno pas ché cartons d' chaque coté in marchant comme si ale faijo un défilé
là j allo djà l ingueuler pasqu ale finquo juste al' porte du garache, pasque dehors i pleuvot et que toute l' finquée al' rintro dins l' garache
j allo gueuler pasque l' tchiote al' veno aussi dinch' garache pour vouloir printe sin vélo pour aller dehors alors qui dracho
que là j intinds un " AH BIN CHE DU PROPE " , mi pas inquiet, j éto sur qu ale auro pas l idée d aller vire dins l' poubelle, j' m artourne nan ale éto toudis au bord et ale dit"VIENS VIRE ICHI EMMA COMME TIN PERE I TRAVAILLO BIN"
là chéto d'eume faute , alle feuilleto un un cahier d' ce2 d' l école loubet que j avo artrouvé et mis d' coté pour raviser à tiete arposée
j a eu dro à des "OH" "OU LA LA" "PAS TERRIPPE" "pire encore "AH BIN CHI LES FILLES ALE VOYOTENT TE CHA " faut dire qu i avo fallu les pousser pour faire leurs devoirs durant eune bonne partie d' leu scolarité
mi j' comprenno pas qu ale comprenne te pas les fractions , pourtant ché facile, j'comprenno pas qu ale fasse des fautes d' francais, que leurs cahiers i étotent mal tenus ...
là ale m a mis min nez dinch' brin, pi ale s a régalé, faut dire qu ale s' vingeo , ale arprinte l' dessus
que dire in moralité in ravisant ch' cahier
d' abord faut pas desesperer, qu in s améliore normal'mint in grandissant
qui faut s'souv'nir aussi commint on éto à leur ache avant d' s importer
et avant d' gueuler su les zautes , faut camucher les preuffes .......
et cha armet aussi les chosses à leu plache
AVERTIS'MINT
le contenu de la pieche jointe ci dessouse qu ale pourro heurter des jones infants meme si ché un extrait d' cahier d' ce2 d' l école loubet éléffe minloute année 1967
in tient aussi à rassurer les adultes qui ouvrirotent l' pieche jointe, i s a amélioré in cours d année, et aprés chéto bin miu
mais in décline quand meme tout asquident cérébral ou sanguin que pourrotent avoir les zames sensipes
aprés direz pas que j' vous a pas prév'nu ...
Mi j'rigole pas, ché l' cahier d'école typique d'un poète !... comme t'allos l' devenir un peu plus tard Minloute.....
Continue d'nous faire rêver comme té sais si bin l' faire....
Et qu' Ema prinds de l' graine su sin père.....
Surtout pas sus l' page de ch' cahier !!!!!!!!!!!!!!!!! lol
Bon dimanche à toutes et à tous.
André
d'accord avec ti minloute pour tout , pour el finquère , pour ché incombremints , din ch' garache , et pi d'accord avec andré , passe que té vraimint devenu un poête , oublie pas d'y foute in clique à grand mère
( 1 photos)