Les jardinsin allant au stade Bollaert
par LA CLO le, 27/08/2005Min père qui n'a eu qu'des files, mi l'aînée i m'ammenot au stade.
Je m'rappelle ch'étot à l'époque el'stade l'mieux éclairé d'France; donc matchs in nocture. Ben là in partot d'abord un bus jusqu'au grand rond point pis in devot longer el'jardin public, arrivés là bien avant l'cahute à billets y avot des tchiots qui vennottent tout seu. I d'mindottent à ches hommes si i pouvottent passer avec nous, pour pas payer. J'intinds cor min père :"allez viens tchiot", mi j'étos à s'main et d'l'aute main i tenot l'tchiot garchon in disant qu'ch'étot sin n'veu. Pour ine dizaine de minutes j'avos un nouveau cousin. L'barrage passé, el tchiot i allot tout seu vire el'match tout seu sin nez collé au grillage.
té m'rappelles de sacrés souvnirs, in 1948 mes parints i ont déménagés al cité des fleurs, le stade yétot à 2 minutes à pied et comme té dis in tindot s'main et très vite in nous l'prenot pour passer ech'controleur et pi après in étot libre
in arvenant après ech'match in juot devine à quoi..... au foot, et in s'appelot Duffuler "gardien de but à l'époque" Ordouilli, les noms i m'échappent
