carbonnat' flamante à la minloute
par minloute le, 01/03/2010in va aborder un point délicat ichi , et qui mérite, comme dins ché liffes , un avant propos ou in avertis'mint :
"l'recette qui va suiffe ché pas forchémint L ARCETTE type d' la carbonate flamante, in n a qui rajoute del cassonate, d autes qui mettent te pas d' carottes , ni d' champignons, ché simplemint eune fachon d' faire l' carbonate "
ouf, cha y est ché dit , sinan j' va archevoir chinquante mails pour m' dire que ché pas l' bonne arcette.....et que chacun y a l' sienne
savez dins ché coups là ché rigolo, pasque in n a un qui dit "ah mais si y a pas del cassonate ché pas eune carbonate, pasque l' cassonate cha fait caraméliser "
AH OUAIS qui dissent les zautes, et y en a un qui va dire "bin mi j' rajoutte cha " pi un aute "nan mi ché cha"
en fait y a plein d adaptations et j' diros TANT MIU vaut miu pécher par exces d' diversité que par exces d' rigorisme
bon ché pas l' tout faudro ptete commincher à s occuper d' l arcette allez in y va , mettez ch' tablier , arringez vous pour et' tranquil' dins l' cuisine et y a pu qu a suiffe
on print minimum 500 g d' viante à bourguignon
on fait roussir cha viv'mint durant un bon momint avec 50 g d' beurre, mi j' rajoute un peu d huile durant l' cuisson
quand que ché roussi, j' rajoutte 500 g d' oignons in lamelles dins l'cocotte avec l' viante
j' baisse ch' fu d' la cocotte , j' melanche bin d' temps en temps pour que cha accroche te pas
aprés j' rajoutte l' valeur d eune canette ed 25 cl , l'temps que j' rajoute 2 carottes coupées in rondelles, eune pel'tée d' pétotes épluchées et coupées in quate , j' dis eune pel'tée pasque j in mets un paquet, hier in éto chinq adultes , faut pas avoir peur d in mette
j' rajoutte eune deuxieme canette d' biere, pi j' mets l' valeur d' 4 gros champignons coupées in lamelles aussi , l' bouquet garni
et j' rajoutte cor 3 canettes d' biere, zallez dire , cha fait beaucoup, mais comme d' dins l' cocotte, l' viante et ché pétotes cha print del plache, faut bien que tout qui so arcouvert
j' freme l' cocotte , j' mets ch' fu fort pour que l' soupape ale chuchotte, pi aprés j' baisse ch' fu et j' m in occupe pu durant eune heure
après y a pu qu à ouvrer et à minger
j'va faire partie ed cheux qui disent mi j'ajoute cha!!!!
1) l'met del poitrine fumée avec ech boeuf
2) j'y ajoute des tranches ed pain d'épice al mi cuisson
3) ech fait cuire din ine cocotte au four ech vous promet qui se leque leur doigt a in minger el bout.
pour cheux qui m'ont d'mindé el signfication ed bersil min pseudo pendant la guerre in éto réfugié à Dieval pasque a Bruay où in habito in éto a coté ed carbolux et in avo peur si y avo un bombardement que tout ch'quartier y saute, j'arviens à Diéval pendant la guerre j'avo dix ans et j'allo chez eine femme qui a quatre heure elle me dijo viens in va minger eine bersil et eine bersil chéto tout simplement du lait et du pain trimpé, et oui chéto pas eine vie facile mais in se plaigno po
J'avos oblié que te cuisinos tisaute.
Et qu'in général cha intraîne des commintaires, va savoir pourquo...
Cha dot être bon tin bazar, mais i ne faut nin oblier de mettre du sé et du poiffe chu l'taffe tchand que te le sers! Te peux donner la main à Marie-Claire tisaute, vinguette!
In tous les cas, ch'est eune préparation sins pourette de perlinpimpin. T'es in progrès voyou.
Je me mèle peut-être de cha qui ne m'arwette nin, mais comme je chus un tiot peu flamind quind même, je me permets de te suggérer, le prochain cop, d'essayer avec de l'bière brune... et te li in diras des nouvielles au 59 aschindint flamind!
Bonjour mes gins.
Vl'a m'recette à mi.
J'acquatte un'boite ed carbonnate à la flaminde William sauret. J'el l'oufe, j'mets l'tout din z'in récipient un plastique ej m'mé l'tout din ch'four micro onte. Mais gaffe mes gins, pas à fond ech four, mais à l'position 3. Après y'a pu qu'à servir. Avec cha mi j'bo un bon coca light au chitron, ou alors un sprite. Cha t'arlièfe al gout d'el viante. In n'a certain qui minche accompagné ed mayonnaisse, mi cham dit rien mais ché gouts et ché couleurs.. Hum j'ème régal rien qu'd'in parler.
( 3 photos)