birouette
par minloute le, 06/03/2010mes gins j' va vous raconter ichi l' histoire d' eune birouette, d eune brouette si vous préférez
min père inn' n avo eune d' compétition si te compare avec c'que té peut trouver asteure
asteure , ché un bout d' métal d'plus in plus fin , avec une role d' plus in plus fine, d ailleurs si vous ravisez cha arsempe ed plus in plus à des jouets d' dinette, ah faut pas carquer fort sinan cha dure pas longtimps
in parlant d' cha faut toudis s' méfier , j va faire eune "tchiote" appartée mais vous pourrez vérifier d' vous meme
souvint quand qu un produit i arriffe sul' marché i est bio, i est solite , i vaut sin prix, pi dès l année aprés te trouffe eune version moins chère, te pourro t ' dire ché pasque in produit plus in série, cha fait baisser l' prix
pas forchémint, faudra garder ché prospectus, et comparer, verrez que rapid'mint in copie pour faire moins cher, et pour faire moins cher souvint y a pas 36 solutions mes gins, in "rabiote"
pour preuffe , j in a 2 , j avo acaté y a eune paire d années un banc d' jardin, savez avec ché 2 pieds in fonte pi des lattes in bo, rin d extraordinaire voyez tous à quo cha r'sempe .....
j in a acaté un aut' 2 ans aprés, ch' prix i avo sacrémint baissé, j a pas fait attintion, mais eune fo monté j' m a aperchu qui faijo 30 cm d' moins in largeur, qu in profondeur i avo 10 cm de mois, que ché lattes in bo , autant avant chéto solite , autant là parel cha avo perdu in largeur et in hauteur ...
te metto ché bancs l un à coté d' l aute té te d'mindo si ch' deuxieme i avo pas été fini al' pichate, vu qui paraisso tout meguerlo à coté dech' premier
y a quequ' jours j' vo eune publicité pour eune pergola toute simpe à mon leclerc , j' cite la marque meme si chont pas contints
d' toute facon eux aussi i font del publicité nominatiffe , faudra accepter monsieur Leclerc que cha ale pas forchémint dans vot' sens........
l' pergola ale éto à 21 euros , bin j' dis sacrée affaire , avant cha couto 30 euros
j éto à mon leclerc parti acater m' boule d' cel'ri ,j adore cha l' cél' ri, cuit al' cocotte, pi mingé au soir in salate avec d' zéchalottes et des capres ...
bref , j' vo derriere ché caisses l' fameusse pergola in présentation, mon diu in m approchant j a vu que les "montants" si in peut cor app'ler cha comme cha chéto plutot des "piquets" vu l' section, et l' largeur mes gins , autant cor l année derniere l'pergola ale faijo 1.80m d' largeur, j a vérifié in rintrant al' mason ,autant chélle là ale devo faire 1.30 m maximum d' largeur , trop juste pour que grand mère ale passe...
ouais ale a grinmint forchi ché derniers temps, pour vous dire , comme qu ale met ché culottes à séquir sur ch' fil, j a du rimplacher ché poteaux métal in tupe, par des poteaux béton y avo trop d' prisses au vent et vu l' surface del' voilure cha avo descellé ché poteaux in fer
parel , ale met pu de stringues à séquir, avec l' vent cha fait "harpe" , autant d' bruit qu à coté d eune éolienne ...
pour in n arvenir à ché brouettes
si vous voulez aujourd hui eune bonne brouette acoutez minloute , prenez ché modeles à 2 roues, là ché du sérieux , bon j' me d'minte d ailleurs pourquo j' in parle vu qui a pu grinmint qui font leu gardin, et pi l usage d eune brouette chéto pas pour tout l' monte ...
pasque si t avo qu in gardin t in avo pas vrimint besoin , à part pour am'ner ché zarrosoirs ou ché bassines rimplies d io à toutes ché plantes, tout l' monte i avo pas un tuyau d arrosache d' faignant
pi un tuyay d arrosache, faut savoir s in servir, te peut tout aussi bin abimer ché plantations d' légueumes si t arrosse trop près ou comme un malate
zavez vu que j in conno un rayon quand meme in jardinache
mi j'ai connu des gins quand i vidotent leurs cabinets i z'allotent vider leurs excrémints dins leur camps .imaginez eune brouette in bos dégoulinante ed piche.et ed diarrhée,et l'odeur qui va avec.si j'in parle ché qu'un cop min père i a essayé in habitot rue Basly et sin gardin i étot rue d' François Calonne.i pus jamais arqueminché..i préféro faire v'nir el pompe à brun chéto el meme entreprise qui rammasso ché poubelles pas comme asteur chéto un camion benne si i avo du vint à peine vidé el lessiveuse ed chinte tout i arvolo sur el route.j'en' dirais pas el nom pour pas faire ed pub. mais ale faisot aussi les déménagemints ché elle qui nous à transbahuté in région parisienne in 1973.j'ai l'impression ed m'avoir cor égaré du sujet initiale.ché la faute à quelqu'un que j'en' nommerais pas mais qui va s'arconnaître j'ai attrapé sin virus