Coup de coeur, coup de gueule
Les jardinstrouvez l' erreur
par minloute le, 09/03/2010clac ! comme diro quéqu'un que j' conno bin, zavez 10 s' contes pour artrouver l erreur qui a sul' carte ..... disse neuf huit sept six chinq quat' tro deux hein ......
bin y a pas ché zautoroutes sul' carte , faut dire que ché pas eune carte récente, mais chéto l' carte del région d' min père
et comme i gardo tout, que j' tter quéquosse, chéto pas dins' religion, j' me souviens qu un coup , in éto armonté pour l' traval pour aller visiter eune eusine ed dalles qui éto du coté d' Douai, à Cantin précisémint ......
et comme j armonto avec min chef, j' y avo d' mindé d' passer par bruay les berdoules pour que j'passe un tchiot coucou à mes parints
j' me souviens que m' mère ale nous avo fait à minger , et surtout que à la fin du repas, in avo un doute pour aller jusqu à douai .....
min père is ' leffe et i va nous querre es' carte , l' fameusse carte que vous voyez un estrait in d' sous et i nous l' tend
bin j' éto fin bénache pour trouver l' rocate d' lens vu qui avo pas d' rocate ed lens sul' carte, pas d' rocate , pas d autoroute du coté d' noeux ...
j a eu l' malheur d arplier l' carte in li ardonnant in d'mindant si yavo pas eune version plus ancienne in papier russe , bin là i a pas apprécié ..
i s a enervé, et i m' dit "ché pas pasque l' rocate ale est pas sul' carte que douai a cangé d' plache" .........
que voulez vous réponde à cha ?
( 1 photos) 
