Coup de coeur, coup de gueule
Les jardinsDuchemint l'tutute
par Batisse le, 13/03/2010Vous qui aimez l'tutute, avez vous donc un tchoeur?
Quelle que soche l'raison qui vous pousse dins l'dos
Assez régulièremint à boire un tiot coup de trop
Pinsez à tous les gins à qui vous brisez le tchoeur.
I a grammint trop de gins qui dormtent au chimetière
Suicidés dins l'alcool, partis des ins trop tôt
Et qui laichtent chu tierre des amis dins l'misère
Qui pinstent que ch'est dommache qu'is sochtent devenus poivrots.
Vains noms, ch'est incroyape: pour un permis de conduire
In sait faire attintion. Mais des larmes d'êtres chers
In dirot que cha pèse moins qu'un Picon ou eune bière
Que vous vous infilez in série comme pour rire.
Oh je ne chus nin un saint, je consomme des liquides
Je fais régulièremint un tiot test d'abstinince
Histoire de vérifier que ch'est mi qui décide
Et m'arwetchi dins l'glache in ayint bonne consciince.
Je vas vous dire eune séquo, eune espèce de bravo
J'ai un imminse respect pour les ex alcoolos
Qui ne bottent pus eune goutte. Je lu tire min capieau.
Lu amour de l'famile cha n'est nin que des mots.
Vous qui aimez l'tutute avez vous donc un tchoeur
Quelle que soche la raison qui vous pousse dins le dos
Assez régulièremint à boire un tiot coup de trop
Pinsez à tous les gins à qui vous brisez le tchoeur.
Note à histoires de chtis: je l'ai fait aujourd'hui et je l'ai aussi mis chu sin site à Roger. Si vous estimez que cha n'a nin s'plache ichi, ou que cha fait double implo, vous pouvez l'ignorer!
Allez, eune grosse baisse à tertous.
