le tourn' disque i brait
par minloute le, 14/03/2010ch' fameux tourne disque , nan j' va pas vous arfaire un sujet là d'sus particulier'mint
j' l a djà fait, ch' fameux saphir , et ch'bras du tourn'disque que SEULE eune personne adulte ale pouvo poser such' disque et qu in intindo "crr crr" quand qu in poso l'bras sul' disque et qu in éto impatient d intinte l' début del canchon
nan , j a pas invie d' in r'parler, mais l' tourn'disque ché aussi lié à ché canchons qu'mes parints ou mes soeurs i zécoutotent , et là ché vrai que Jean Ferrat j' l a intindu in étant tchiot
j a acouté "la montagne" j' sais pas combien d' fois, "que c est beau la vie" parel , mais aussi "nuits et brouillards "
sacré bonhomme que ch' gars là, i a fait c' qui a dit , et ché vraimint à l opposé d' toutes ché soit disant "vedettes" fabriquées, utilisées, jetées comme des produits d' consommation
( 1 photos)