l' agenda Dunlop

chéto un agenda Dunlop que m' mère ale avo récupéré , et d'dins ale y collo d' zarcettes qu ale découpo au dos de ché paquets d' levure par exempe et aussi ale faijo du découpache dans l' vo du nord, mais aussi dins les rubriques cuisine d' "mote et travaux" par exempe

l' aginda i servo aussi à suiffe ch' budget jour aprés jour des dépinses del' mason

faut dire qu' aprés la guerre, ché familes ale zavotent plusieurs zinfants à nourrir, et qui fallo bin raviser ché rintrées et ché dépenses ...

après y a eu comme in diso "les trentes glorieuses" , in tout cas , ché sur que de 1960 au choc pétrolier de 1973 in a connu d'sacrées améliorations dans not' vie quotidienne, ché salaires i zétotent c'qui zétotent, mais yavo point tant d' chomache ...

faut s'dire aussi qu aujourd hui que d' suiffe comme cha ché dépenses chaque jour ché arvenu dans les moeurs

faut pas s' voiler la face, j' sais pas si y a d' zétutes qui ont été faites, mais j' su sur , ché FLAGRANT , que le niveau d' vie par habitant à bruay y a sacrémint déchindu depuis 1975

y a pu d' mineurs, reste que ché veuffes à d'mi pinsion, ché zinfants meme si zont trouvés des métiers du qu in gane es' vie , j' sais point si cha arriffe au meme niveau que c'que gagno un mineur

et jle vo à chaque coup que j armonte à bruay, y a pu qu ichi , (ché eune expression mais ché nin faut pour bruay) , j' va plutot dire qu in vo cor circuler pas mal d' carettes d' plus d' 15 ans , et pas grinmint d'nouvelles plaques minéralogiques

mais in va terminer sur eune note optimiste, j' vous a mis in piece jointe ,in plus d eune photo sul' budget quotidien des dépenses, eune photo globale des arcettes

j' vous a fait un gros plan d eune arcette d' chaussons aux pommes, et eune aute qui éto au dos d un paquet d' levure alsacienne