l' pot d échap'mint de la harley davidssonne
par minloute le, 25/03/2010cha y est ché l' début d' la fin pour mi, là j a des séances d' dentisses pour commincher et là avant hier in a été ché l' oyoliste , ouais j' commincho à pu bin voir d' près, maladie professionnelle, à avoir toudis s' guiffe devant l écran du nordinateur , "vieillerie" qu ale dit grand mère in s' moquant d'mi
cha y est , l' oyoliste i m a fait assoir pi i ma incrinqué m' guiffe dins zin appareil qui soufflo d' l air dins ché rétines, i éto temps qui arrete sinan j alo li in décoller eune à chtilale
après i m a mis des leunettes d' clown, j' dis cha j' ma pas vu dins eune glache , mais vu qui s a amusé à rajouter des verres d un coté, à en canger sur l aute neule, à m' dire, et chti chi ou chilale, voyez miu dinch' vert ou dinch' rouche, lisez me chi, l' derniere line in bas, et ché chiffes in haut , et patati et patala
savez in est mal récompensé del' séance qu in a passé pasqu in sortant té print deux douilles, l' premiere ché l'visite et l' seconte m in parlez pas
in sort del consultation ouais pasque grand mère ale i a été aussi, mais elle chéto l' derniere étape avant la spa, nan pas qu' j allo m in séparer , nan ché l' derniere étape avant ch' tchien d aveugue ...
donc in sort ed là et juste in face i yavo savez ch' magasin d' leunettes que Jonny i crie toudis , bin in y a été
bin vinguette , bon dire i yavo 2 paires d' lunettes plus 2 "gratuites" mi ché des verres in cristal, ouais minloute ché pas n importe quo qui met ... bon direz pour grand mère ché simplemint 2 culs d' bouteles d' gevurstraminer coupés qu in met sur eune monture, zallez dire aprés ale va aller consulter pour l' mal d' dos, zavez raison
bref , quand qu in a vu l' note, in s a dit qui fallo payer l' pot d' échap'mint d' la harley à jonny .......