les gardins d' chés masons minières
par Lucie Krawczyk le, 02/04/2010Salut à tous les ch'tis du site !
Du timps d' chés mines, y' avôt toudis un gardin avec des arb's fruitiers dins chés cités et dins chaque mason !
Jé m' rappelle qu' min père, y' avot plinté des fraiss's, des poriaux, des t'chiots pôs, des patates, du céléri, du persil, des choux, et bin d'aut's !
In puss', côté arbres fruitiers, in avôt des groseilliers rouches et à maqu'reaux (des crottes-pous, jé n' sais pas d'où vient ch' nom-là), un poirier (chés poires étôttent dures à assommer un homme, inmmingeab' !) !
Chaque vôsin avôt un arb' différint : ch'ti d'in fache, un c'risier, ch'ti d'à côté, un pommier,...
Souvint, chés z'arb's-là ont vus des générations d' personnes pindint des z'années.
A bin réfléchir, cheux qui ont décidés d' plinter chés fruitiers dins chés gardins étôttent in avinche par rapport à nos jours, car y ont incités chés mineurs et leurs famill's à minger sainemint des fruits et des légumes, à cultiver correctemint leur t'chiot lopin d' tierre !
Alors, mes gins, in peut dire qu' dins les cités et les corons des mines d' not' région, in étôt avint-gardiste pou' l'alimintation : 5 fruits et légumes par jour, nous, in a déjà connu !