gardin cor ou ''faut pas perte espoir''
par minloute le, 14/04/2010sur mes gins qu in est pu nombreux à cultiver ché gardins comme avant , d' abord in a plus d' temps ou plutot in s in donne pu l' temps ou bin comme mi , in préfére un gardin un peu sauvache à un bio gardin bin rectiline
et que j' vous mettrais d' main des photos d' min gardin et d eume passion ché à dire aller acater à mon Emmaus des castroles , des faitouts , des caf'tieres et d in faire des récipients pour ché plantes .......
dins min gardin y a plus d' 200 pots, récipients, faitouts, castroles, bacs plastiques , in terre , jardinieres etc etc etc
Marie Claire ale pourro témoigner, ale a donné des coups d' main pour arroser tout cha
alors ch' t hiver y a quand meme eu des momints ou chéto bin g'lé et j avo pris l' pari d' pas rintrer ché pots à l intérieur, d ailleurs expliquez me du qu' j auro trouvé l' plache pour rintrer 200 pots dins l' mason .......
j a mis d' temps in temps des films d hivernache, mais y a bin des plantes que j' m a dit , là si cha ardémarre ché que ché super costaud
savez l' terre dinch' pot in auro dit du béton
j avo quand meme demindé à l' jardin'rie que j a l habitute d aller acater des vivaces , et ch' gars i m a dit , du momint que l' coeur del plante i gele pas et là ché très rare pour eune vivace, cha ardémarre toudis
i m avo dit aussi, du momint que ché a l abri du vent , ché l' plus important j a suivi ché consels
mais faut dire que j éto vraimint pas sur d' min coup , alors à partir d' février mars, j' raviso ché pots, ah in n a qui ont arcomminché vite fait d' arpousser , pi d autes chéto plus que calme plat
pire te voyo pu rin dinch' pot, alors y a un momint j a failli in j'ter eune et là j a vu in grattant l' terre que chéto pas mort ...
pi tout douch' mint cha a comminché à donner sine ed vie : eune tchiote feule, des bourgeons, cha y est cha arpart
ché sur j' a du avoir moins d eune dizaine ed plantes qui ont pas arpartis dins ché pots , mais ché vraimint minimes et savez ché djà cangé et racaté
après j a eu des doutes, j a bin eu 2 citronnelles qui ont ardémarré tardiv'mint, faut dire que l' citronelle faudro l' rintrer l hiver , mais yavo bin ch' troisieme qui démarro pas
mais in acoutant comme cha un coup eune émission sul' jardinache al' radio, ch' jardinier i diso qui yavo des plantes qui avotent connu l' stress du gel et qui ardémarotent plus tard
ché nin un cours d' botanique que j' voulo vous dire, mais surtout , in toute circonstance, gardez l' moral, ayez confiance , ravisez j a été patient pour ché plantes, j' les croyo toutes flinguées, et là ché la fete dins ché pots, tout y est ardémarré ...
alors perdez pas espoir , soyez pas trop pessimistes, soyez patient, et vous verrez vous s'rez récompensé d' vot' atttente ...et persévérance
t'as raison minloute , mi j'nai devant em' maison , y z'ont pris un sacré coup d' gélée , chés feuls y sont tout noirtes ,
mais y sont in fleurs , j'sais pu l' nom , mais j'vas mette in photo , ti qu'yé in especialiste , té vas bin savoir cha