bonne fête du premier mai
par minloute le, 01/05/2010tiens ravisez ché ponts, nan pas ceux au d' sus d' la lawe à bruay , nan , ché ponts ou plutot ché fetes , y a lundi d' paques, l ascension, l' 15 aout qu in sait pu vraimint très bien à quo cha correspond
ah j in vo d'ja qui dissent mais si ché la mort du christ , ouais zavez été au catéchisse , mais asteure cha s' perd
mais pour mi y a 2 journées qui m' touchent l' plus ché le 11 novempe et l' premier mai
cha j' do vous dire que d' savoir qui a des magasins qui sont ouverts aujourd hui , mi cha m' met in boule, alors in va dire ouais ché fleuristes, mouais, aprés té t artrouffe avec des enseines commme truffaut qui sont ouvertes aussi aujourd hui , et pas que pour ché fleurs mes gins , nan pour tout , té peut aller acater eune tondeusse l' premier mai in région parisienne
ché lamentape, ché lamentape pasque sans in faire des kilometes d' justifications, j' vous invite à aller raviser , pour ceux qui l ont pas cor fait dins l' colonne d' gauche , ché rubriques du qu on parle des conflits sociaux
cha n armettra plus d un en plache, d' vire les conditions d' vie qui pouvo y avoir en 1885 , y a à peine 125 ans, eune paille mes gins , et là in s' dit que l'fete du traval , ché eune sacrée belle fete
bonne fete du traval à ceux qui travallent, bonne fete aussi à ceux qui in cachent, et bonne fete aussi à tous ché zartraités pour qui asteure, j espère , ché tous les jours l' premier mai
quoi que ....i do in avoir quequ' zuns qui comme ti louis, doiffent s' dire " asteure que j' su pinsionné , j' l intinds toudis crier louis par chi louis par là"
ouais ché cha qui faudro ajoutter, ché eune journée fériée, dédiée aux zhommes
ah j' vous vois les garnoules cor in train d' dire , ah in vous supporte toute l année, in vous laffe vos snipes, in est toudis in train d' ramasser vos loques qui trainent partout ....
mais pinsez à ché zartraités qui aprés pu d' 40 ans d' labeur, i s artrouffent avec un commandant (féminin) al' mason ...
zinquiétez pas mes gins in va ouvrir eune permanence syndicale as' sujet bintot ......
Ej vous armets el lien vers l'explication de l'origine du premier mai et du muguet
Origines du 1er mai et du muguet
Eune bonne fête d' premier Mai mes gins, pinsez que j'vous offre tertous un brin d'muguet in vous l'écrivant, ch'pinse aussi am maman qui nous a quittée derniéremint cha s'ra bien l'première année qu'j'n'vas pas y offrir sin bouquet traditionnel mais tout au fond d'min coeur par l'pinsée aussi ale l'aura toudis ainsi qu'ch'pére, y m'manque mes gins alors pour cha j'vous imbrasse tertous du fond d'min coeur.
Amitié liévinoise, Christian , kiki ed Liévin.
bonne fête du premi mai à tertous