Au coiffeur d'avint par Lucie Krawczyk
par Lucie Krawczyk le, 04/05/2010Ichi, j' m'adresse à chés femmes !
Qui ch'est qui s' souvient d'avoir été à ch' coiffeur et d'avoir eu su' l' tiête des "fers chauds" (jé n' mé souviens plus d' leurs noms) quind in faichôt eunne permanente ?
Ah, la caleur qu' chà dégageôt !
In avôt l'impression d'avoir du feu sur l' tiête tellement ch'étôt caud !
In pluss, ch'étôt d'eunne lourdeur qué t'avôt l' tiête qui ballôt dins tous les coins !
Et si t' prénôs l'invie d' faire eunne sieste à ch' momint-là, impossib' car l' tiête n' ténôt pas in place !
Personnel'mint, j'in garde un mauvais souv'nir !
Ah, ch'est sûr, l' permanente étôte parfaite eunne fôs sortie d' là !
Mais qué calvaire pou' ête l' pus belle et frisée comme eunne cacahouète, comme in disôt dins min jône timps !
bon bin pisqu'ché seulemint pour ché femme , ech' répondrai pas , ni pour ech' cat din sin berceau ,
bravo lucie , non seulemint chés des " bons souvenirs "pour chés FEMMES " mais in plus ché bin raconté
mi j'a jamais fait ed permanente par conte j'em rappelle que ches femmes ales app'lottent cha eune indéfrisape , cha voulot dire c'que cha voulot dire, ches frisettes ales ténotent bien ...