barraques à frites

ah combien d' fos étant jone , j' su passé d'vint vous ...sans qu in s arrete .... combien d' fos j avo l' nez in l air à sintir l' friture, à raviser tous ché bocaux à mayonnaisse, picalili, moutarte, quetcheupe, pi ché sauces belches .........
nan i s arréto pas, j avo eu dro à "ravisse ché caveux del femme i sont tout gras, t imagine si té minche cha té va avoir des cavaux ainsi"
mi cha m auro pas déringé ....
ou alors , "l'huile ale est faite avec del queue d' cheval" , j' sais pas pourquoi d ailleurs in dijo cha ..

ou alors ," in a djà mingé, ché del' gourmandisse ".........

que cha so camion à frites, barraque à frites, chéto toudis l' meme canchon ......

alors plus tard , j' m a vengé, et j' do vous dire que ché toudis un endroit que j a ker fréquenter
savez quand que j' viens à bruay , quand que j' passe d'vant ch'camion qui est garé sul' parking ed l europe, j' me dis "té devro t arreter" mais bon j' su raisonnape ......

j' diso que j in avo profité aprés, ah ouais, pi avec d' zognons, pi avec des mélanches d' sauces mayonnaisse ketcheupe, saucisses d' francfort , merguesses, steack haché, fricadelles, lard , bref tout y a passé avec ché frites in accompagn'mint ...
avec quequ' fo à la clé , certains i diront "té minche trop vite" ou " ché pas la peine d in printe 2" ou alors " t es sur que ché frais tout cha " , ouais ché arrivé j' va pas vous l' cacher, mais pas tant qu' cha ...

pi yavo un sandwiche que j a mingé que dins l' nord, du coté d' tourcoing, ché le sandwichaulachi

ouais j a fait d exprès d' coller toute l expression , le"sandwichaulachi" ché comme cha qui dijo l' fils del patronne, del viante hachée crue avec du persil et d' zognons, tout cha dins du pain .....................................

Rien d'bin terripe dins l'bruaysis comme barraques à frites. Par conte chez sumo al gare ed choques, allez y faire un tour mes gins et vous m'in direz des nouvelles