Didier Six
par minloute le, 07/06/2010ché avec plaiji que j viens d arvire dans eune émission sur l histoires d' l équipe de france de football, not' Didier Six
chéto un jueu espécial, capape du meilleux comme du pire, d' rater ch' ballon d'vant l' but grand ouvert , dribbler eune paire ed jueurs, traverser l' surface ed réparation et marquer d eune pich'nette ..
jueur à la fois agile, fameux dribbleur, costaud aussi , j' me souviens des taccles qui faijo .. i laisso pas indifférent
jueur d' caractère comme l a été Eric Cantonna quequ' zannées plus tard, t a meme cangé tin nom quand que t a jué en Turquie
in t' voyo souvint comme un jueu nonchalant , avec tes cauchettes roulées in bas des gampes, comme Luis Fernandez i f'ra aussi
j' me souviens que té rintré in cours d' match conte la lazzio de rome, et là tout y a chamboulé, et à la fin in a gagné 6 à zéro ...
au moins in do dire que té laisso pas indifferent ...
I fot s'ramintuver qu'Didier Six ch'tot un pur nordisse. I'est né à Lille in 1954 . I'a c'minché s'carrière à Volinciennes (USVA) dus qu'i s'ra ailier gauche pindint 7 ans (1970-1977). Pis i juera au RC Lens foque un an (1977-78) pis l'OM (78-80), Bruges(80), pis Strasbourg(81), Stuttgart (81-83), Mulhousse(83-84), Aston Villa(84-85), Metz(85-86), cor Strasbourg(86), Volinciennes(87, quèques mos, jusse pou impêcher VA ed déquinte), Galatasaray (87-88). Après cha s'ra des tiots cleubs : Valloris, Pierrots d'Strabourg, et infin Leipzig(91-92). Didier Six a été l'preume grand jueu frinçais à juer à l'étringer.
I'a été sélectionné 52 fos in équipe ed France et i'a marqué 18 buts. In 1982, à Séville, in d'mi-finale cont' l'All'mane, i'a raté sin pénalty cont' l'gardien Harold Schumacher. Sitôt, in l'vot à g'noux, t'nant à 2 mains s'tiète collée au gazon ! Terripe, l'France arot pu daller in finale! Quèques minutes Bossis i f'ra comme Didier et cha s'ra l'Allemane qui s'ra qualifiée !