rintrée des classes
par Batisse le, 03/09/2005Nous autes, tchand qu'in rintrot in classes, ch'étot un tiot peu comme à ch't'heure: ch'maître i faijot eune liste de tout cha qu'i fallot et ch'qu'un trouvot l'plus important ch'est tout cha qui n'étot pas chu cheule liste: taille crayon avec eune lame de rechange (le nec plus ultra, suffisot d'trouver un bittognot pour dévisser cheule saloperie d'tiote vis), pot d'colle blanque au bon goût d'amande (in l'avot avalé in 3 jours...), gomme à deux couleurs, dont eune pour l'encre, que ch'est eune attrape à balous vu qu'à gommer d'l'encre, te finis toudis par faire du papier transparent ou, plus souvint, un trou.
Le scalpel, ch'étot magique aussi!