un bout d' bos et un morciau d' ferale..
par minloute le, 13/06/2010quo ché qu' un martiau ? un bout d' bos du qu in a incrinqué un morciau d' ferale ...
cha ché quand qu on est "cartésien" , pour mi ché bin aut' cosse, chéto l' martiau préféré d' min père
ché vous dire que chéto un grand bricoleur, tout comme mi, in fait in a ker bricolé , mais faudro presque que cha so fini avant d avoir comminché .......
chéto l' martiau préféré d' min père pasque chéto chti qui correspondo l' miu aux travaux qui avo à faire ...
pasque d abord tout c'qui éto gros travaux cha passo par les zouillères, et les tchiots travaux d' réparation un tchiot peu compliqué ,min père i trouvo toudis quéqu un pour v'nir l' faire ale mason
quand que j' dis cha croyez pas que ché gins qui v'notent bricoler i zétotent exploités, nan , yavo ch' café in arrivant, l' biere vers 11 h , ch' billet avant d' partir ...
nan min père i préféro aller casser du bo dins s' cabane , là assis sus' caielle , sin tas d' bos d un coté, ch' billot à ses pieds et l' hache à la main, là i éto heureux
ha yavo pas plus heureux qu' li pour faire du tchot bo pour alleumer ch' fu au matin .........
par conte par momint yavo m' mère qui li d'mindo d' mett' un clou par chi , un clou par là, ouais pasque m' mère ale adore ché trucs accroché, ou alors d' armette eune plinte in bo in plache
cha s' limito là, ché pas grand cosse , mais savez quand que min père i arvéno del' barraque avec sin martiau , s' boite à clous et le lescabeau , t avo interet à pas rester dins ché pattes
d' ailleurs in l' sinto, i commincho à siffler ou plutot commint qu in pourro dire, i soufflo plus qui sifflo, chéto un sine d' ernevemint..
appelez cha stresse ou enervemint, ché tout parel ......
bon faut dire qui parto avec 2 handicaps, l' premier combien d' coups qu in l a pas intindu que ce so pour monter au lescabeau, ou devoir s' presser i dijo "mi j a qu eune gampe" ..
ché vrai i avo eune gampe raite depuis qui avo 18 ans inviron, j' la djà raconté, gampe raite ptete mais cha li a permis aussi d' jamais déchinte au fond et d interrer eune paire et cor ché qu eune expression, eune paire ed générations d' mineurs , qui eux, avottent laissé leu sinté au fond del fosse
j ' arviens au sujet principal, j' m égare cor , donc i rintro dins l' pieche avec le lescabeau , tout in sifflotant mais chéto tindu
ah malheur fallo pas qui accroche un pot d' fleurs et qui qué à terre, t intindo alors un "meeeeeerrrrtte" que toute l' rue leverrier et anatole france aussi i zavottent tous intindu ..
ah ché sur t avo pu un tchien qui aboyo pendant un bon momint juste aprés cha ...
i s installo et là chéto comme l' professeur barnatte , savez chti qui a fait l' premiere opération à coeur ouvert , si j' me souvins bin chéto in afrique du sute
bin savez pour planter ch' clou chéto tout aussi tindu ..
j' vous avo parlé d une deuxieme handicap, mais là j' do avouer que ch' t handicap là, ché min père qui s' l éto mis li meme
ché que , i avo connu l' premiere guerre mondiale, des momints bin tristes du qui avo pas beaucoup d argint al' mason vers 1924 1928, y avo connu l' recession d' 1929 et l'deuxieme guerre mondiale donc cha li donno des circonstances atténuantes mais cha avo provoqué un syndrome qu in pourro réseumer par "faut pas ch' jeter cha , cha pourra servir"
alors quand que j' diso que pour planter 1 clou voir 2 clous chéto eune espédition, ché que les clous qui avo dins s' boite, am' mote in cachant bin i devo aussi y avoir ceux qui avotent servis al' crucifixion d' un prénommé Jésus y a inviron 2000 ans ...
chéto tout rouillé, et quequ' fos amalgamé , pasque l' rouille ale avo réussi à souder ché clous intre eux, ché vous dire l état des pièches .......
et comme tout grand professeur d' méd'cine, i li fallo s' n assistante, Odette, m' mère ale éto réquisitionnée d office
ah j' arvo t'tiete Manman, quand que min père, juché sur eune gampe sur le lescabeau , i t' demindo un clou d' quarante et que ti Manman , té savo pas l' différince inter eune clé anglaisse et eune tenale .......
cha énervo min père qui li faijo presque l arproche d' souffrir in haut du lescabeau pour planter ch' clou, qui prenno des risques insensés ,tout cha pour planter eune horloche, eune assiette, ou un tableau
malheur à nouzautes si ch' clou i li echappo des mains ...in avo cor dro au mot d' cambronne , puissance dix , au carré .........