un bout d' bos et un morciau d' ferale la suite
par minloute le, 13/06/2010et j' vous parle pas cor si y d'mindo am' mère, elle restée sul' plancher des vaques , si i d' mindo am' mère si chéto dro .......
pasque si ale avo l' malheur d' dire que chéto dro et que si min père en ardéchindant i s apercevo que cha l éto pas ....alors là m' mère ale in prenno cor pour sin grate, ale l obligeo à printe des risques insensés, et ale voyo pas si chéto dro, et là Léonce , min père , i devo armonter là haut pour armet' tout à niveau ...
d' toute fachon, y arrivo toudis un momint du que cha allo et' del faute am' mère ..........
ouais pasque y avo aussi quand que m' mère ale avo 2 trucs à faire faire, ale attindo que ch' premier i so terminé pour l' dire à min père ,et là chéto arparti " tauro pu mel' dire avant " et patati et patala
j' dis cha, j' voudro cor et' tout tchiot in bas du lescabeau , chargé mi ch' garchon d un role capital :t'nir le lescabeau pour qui bale pas avec min père ed sus
par conte voyez, min père i éto bon public savez, surtout les lend'mains qu in avo vu un flime aux dossiers de l écran , un flime ed guerre et que j y d' mindo d' me fabriquer eune mitraillette ...
alors là, in éto qu à deux dins s' barraque , ouais ché pas un truc à montrer à ché femmes cha, ché du sérieux
i s asseyo sus' caielle, mi souvint such' billot qui servo à finte ch' bo, et là i prenno des bouts d' bos carré, du liteau 27x27 comme on dit asteure, du bos pour faire t'nir ché pannes su ché chevrons
et là i éto inventif, sin martiau et eune paire ed clous, et im' fabriquo eune carabine in clouant ché bos l un su l aute, in mettant in clou au bout pour que cha fasse viseur , et un aut' in d' sous pour faire gachette ...
i m avo fabriqué eune mitraillette sten, savez ché mitraillettes anglaisses avec l' chargeur latéral qui zutilizotent les maquisards dins ché films, ou alors i m' faiso l' mitraillette américaine avec l' chargeur in d' sous et qui servo d' poignée
j' dis cha , j' voudro cor et' assis such' billo et raviser min père assembler ché morciaux, tout in plantant ché clous , et là j' vous assure , i avo pas le stress.....
ché qu un bout d' bo avec un morciau d' ferale au bout , mais pour mi , cha a bin plus d' valeur ......
V'la une histoire qui me bouleverse. Le retour sur les petits gestes de nos parents hélas disparus et qu'on voudrait tant revoir ne serait ce que pour se faire caliner ou engueuler !!! mais oui je regrette ces "disputes" comme on disait!!! qui va transformer ce texte en poème sur le temps disparu????
par minloute le, 14/06/2010j' voulo préciser aussi que min père i éto vraimint amoureux de m' mère , et quand que m' mère ale brayot quand qui faijo ses reflexions, m'mère ale éto sensipe, bin l' premier qui éto géné , imbété et boul'versé , chéto li ....
( 1 photos)