repas d avant , in vrac , suite
par minloute le, 14/06/2010donc sul' tape y avo aussi des bouteles d' io, chéto du contrexeville, du pierval, du vittel , bouteles in verre mais djà capuchon in plastique
capuchon qu in metto à l envers sur not' dos et cha arsemblo à un personnache coiffé d un canotier ......
aprés yavo ch' premier plat d' viante, du poulet souvint , ah mais chéto nin du poulet à 1.65 euros l' kilo comme in vo inch' momint su d' grandes affiches
l' poulet alors chéto nin exploité comme asteure, et minger du poulet chéto nin un r'pas d' pauve j' vous assure
poulet bin seur , mais avec des pommes terre dauphine, d'zharicots vert, des ptits pos carrottes, sans oublier l' sauce du poulet du qu au milieu del sauciere, in s' batto pour l avoir, chéto l oignon qui avo partagé l' sort du poulet, un chiot peu cramé sul' premiere pio mais l' reste chéto imbibé du jus et d' l odeur du poulet ........
aprés chéto trou normand, eune lichette pour artourner ché boyaux, ou plutot les muscler pour l' suite pasque ché loin d ete fini