là j' cro bin que ché pas cor la fin du sujet su ché repas d avant

au miyeu d' l aprés midi , yavo un rituel qui s' faijo, mi j' su sur que ché un rituel qui vient d' la nuit des temps, du timps que nos taions , mais ché plus viux, i vivotent cor dins les grottes ...

yavo un momint , j' sais djà pas commint cha s' faijot mais cha arrivo toudis , in tout cas mi j in a l' souv'nir, ché qu à un momint, ché zommes i s artrouvottent d un coté, et ché femmes ed l aute

ou plutot ché femmes as' réunissotent toutes insempe, que des garnoules j' vous dis
oh j' vous rassure mes gins l' vaisselle ale éto faite, ché zassiettes lavées et ringées............

et là yavo deux groupes, d' abord ché plus anciennes qui discutotent souvint entre elles , à raconter leu malheur, à comparer leu taux d' tension artérielle réciproque, à parler du docteur Todoscoff, (mi ché un nom qui m' faijo m' rigoler quand que j éto tchiot ) ou du docteur Golden par exempe .... à parler aussi d'leu bandaches aux gambes, des zernies etc etc etc

les zautes garnoules ale discutotent sec, cha rigolo souvint fort, mais ché zommes i s' risquottent te pas à v'nir deminder d' qui i parlotent , chéto comme un momint à elles
bon ché vrai cor heureux que dins les personnes agées yavo Clara, ah qui n a pas eu eune Clara dins s' famille ..

Clara chéto la mémoire d' bruay, in tout cas, à forche d aller faire ses courses au marché à pied, à monter vire ses neveux al' cité 30 à pied alors qu ale habito pas loin du pont d' chemin d'fer du 2, à monter aux zalouettes à pied, et quand que j' dis à pied, ale avo un cabas à chaque main, cha équilibro s' n allure "chaloupée"

quand te savo pas te d' mindo à Clara, j' vous l' fait d un coup , in prenant m' respiration
Clara, vous savez commint qui s appelle chti chi qui habite au coin del rue untel, qui est marié avec eune certaine Janine ou Jacqu' line ?
et là t avo dro à " ché francois dupond (par exempe), l' fils dupond, que sin père i teno l' café du coin , que sin père i éto d' Auchel, marié avec eune file untelle et que sin grand père i éto cinsier à la burbure qui séto marié avec eune file untelle ,et que ché pour cha qui sont v'nus habiter à bruay , que ch' fameux francois s' femme sin prénom chéto pas Jacqueline, chéto Hermance, pasque chéto s' soeur mariée au fils Funni qui éto piqueur au 4 ale s ap'lo Jacqueline, Hermance , elle, ale s a fait opérer d un fibrome, qu' sin père i travaillo al' fosse chinq , mais au jour , et qui a fini s' carriere au six"
voilà mes gins les réponses "à la Clara" ...