histoires-de-chtis® depuis le 20 février 2005

 

 

Les 60 dernières histoires


  les informations régionales (15/11/2018)
  la télévision fin horloge et speakrine (15/11/2018)
  expression d' quo qu as' mele ... (14/11/2018)
  la règle de trois et la division (14/11/2018)
  la télévision l'horloge ORTF (13/11/2018)
  la télévision le générique ORTF (12/11/2018)
  après nous .... (11/11/2018)
  HOMMAGE à mon grand père et à mon père fin (11/11/2018)
  HOMMAGE à mon grand père et à mon Papa (11/11/2018)
  HOMMAGE à mon grand père et à tous les «poilus» (11/11/2018)
  la télévision la mire (10/11/2018)
  l' art d accommoder ché restes .... (10/11/2018)
  Olivier Bayart photographie (10/11/2018)
  terri ou terril ? (04/11/2018)
  L'abattoir de Bruay suite (04/11/2018)
  L'abattoir de Bruay (02/11/2018)
  allouine (31/10/2018)
  Il éteut une fos à Berlencourt el Cauroy suite et fin (28/10/2018)
  in carette vers Merlimont 20 ans après (28/10/2018)
  L'abbé Toulotte (28/10/2018)
  in carette vers Merlimont 6 (28/10/2018)
  in carette vers Merlimont 5 (28/10/2018)
  la bonbonnière à Bruay (25/10/2018)
  la télévision (20/10/2018)
  derrière ché portes des courettes (15/10/2018)
  bourreau, fais ton office la fin (14/10/2018)
  bourreau, fais ton office (14/10/2018)
  in a pas d' pétrole ... (12/10/2018)
  mauvais indiens (12/10/2018)
  fin de saison dins ché gardins (12/10/2018)
  hantise d'armonter (11/10/2018)
  j' l a ti vu ? (11/10/2018)
  à l' arrière d' ché gardins (10/10/2018)
  comme Marcel, vers Merlimont (06/10/2018)
  tout in haut dech'terril , eune canchon d avenir (06/10/2018)
  d'vant ché grands magasins ... (29/09/2018)
  du porte plume à la liste des courses (23/09/2018)
  Il éteut une fos à Berlencourt el Cauroy partie 2 (23/09/2018)
  à l inspiration (16/09/2018)
  les tongs (16/09/2018)
  in carette vers Merlimont 4 (15/09/2018)
  in carette vers Merlimont 3 (15/09/2018)
  in carette vers Merlimont 2 (15/09/2018)
  in carette vers Merlimont 1 (10/09/2018)
  cha a quand même cangé ... (04/09/2018)
  j' su ardéchindu du haut dech' terril (31/08/2018)
  Il éteut une fos à Berlencourt el Cauroy partie 1 (28/08/2018)
  fin d'drache, lachez les fauves 2 (25/08/2018)
  fin d' drache, lachez les fauves 1 (25/08/2018)
  Rue Florent Evrard (20/08/2018)
  Rue Louis Dussart ...ou rue de la Gare?? (13/08/2018)
  El Kéfir (13/08/2018)
  in va minger des patates (13/08/2018)
  y a que 50 ans (11/08/2018)
  Vue aérienne de Labuissière vers 1950 (09/08/2018)
  souvenirs d' caleur in carette (06/08/2018)
  mes quat'zieux (06/08/2018)
  souvenirs d' caleur (05/08/2018)
  les trains au Tour de France (30/07/2018)
  in bas des marches du lycée (06/07/2018)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 michel.gervois@neuf.fr ( 07/10/2018)
Bonjour à tous les B...
 dufossez jean ( 24/09/2018)
Bonjour les potes J...
 bob 38 ( 22/09/2018)
Bonjour a tous , chu...
 Hervé62155 ( 24/12/2017)
Joyeux Noël et Bonne...
 LYLY ( 23/12/2017)
Bonjour à tous, je r...


Liens
Histoires de chtis sur votre site
la télévision in noir et blanc
par minloute le, 18/08/2010  

pour les plus jones qui viendrottent ichi raviser l' sujet, j' préviens " tout c' qui a d écrit ché nin des cacoules ché que du vrai de vrai"
faut l' préciser vu que cha a tel' mint cangé l' télévision (reflet d' la société à un momint précis) qui fallo quand meme prev'nir ceux qui s'rotent nés aprés 1970....
ch' sujet là i m a v'nu taleure in ravisant sur le site facebook d histoires de chtis, l' vidéo que marie claire ale avo misse , ch'pitit train d interlute

j' résume pour ché plus jones, chéto eune maquette d' train du que sur les cotés, sur chaque wagon , i avo un morciau d' rébus , fallo tout lire pour trouver l' solution , et si té calo , bin ch' pitit train i arpasso et t avo l' solution in d'sous
cha prenno bin 3 mineutes ch' t affaire là

ch' ptit programme i passo avant l' journal d' 20h , mais aussi et souvint in dépannache ..

ouais meme si chéto pas les tout débuts d' la télé, meme si in éto pu aux temps préhistoriques du JT de 1949 avec pierre sabbagh, in éto cor au temps du moyen ache, si in comparo avec aujourd hui
vu l' vitesse que cha cange al' télé , faut s attinde à tout , et souv'nez vous y a pas quequ'zannées yavo eu un flime du que d'dins chéto un jeu télévisé, un candidat qui éto poursuivi par des autes personnes, et si y arrivo à pas et' tué, i gagno eune grosse somme d argint

in trouvo cha complet'mint loufoque y a eune vingtaine d années, asteure in n y est pas cor , mais in s in rapproche...cor 20 ans et in va y arriver ......

bon j arviens à min pitit train, ch' pitit train chéto aussi un programme d' interlude ché l' cas del dire

pasque in éto loin del modernité d asteure, i avo cor des lampes dans les apparels , et si cha cauffo d' trop cha claquo
parel pour les retransmissions, autant asteure té suit tout in direque sans aucun accroc , l' preuffe in s'pose pu la question , in trouve cha normal d' suiffe in direque l' histoire des bricoleux du foute infreumés dans leu bus ...........
mais ach' t époque là , y avo d' nombreuses pannes, ou alors t avo l' son ou pas l imache, ou l inverse, chéto cor fréquent qu' cha saute au miyeu d un flime .... in ralo in ralo, in ralero cor aujourd hui ou plutot in trouvero cha impensappe que cha puisse arriver ...

donc là quand qui avo un probleme , té voyo arriver l' speakrine et ale nous raconto que chéto un tchiot probleme, avec s' n air attristé , et que cha allo s' armete bientot
mi m' préférée chéto jacqueline huet, ale avo un charme, eune façon d' parler, pi escusez l' jone garchon que j éto, j' me perdo dins sin decolleté , chéto pas la meme chosse avec catherine langeais, elle chéto plutot la "manman"
celle qui faijo la voix off de la Séquence du téléspectateur"
et celle qui m énervo chéto jacqueline cora, j avo l impression qu ale nous prenno pour des meumeu

bon j' m a cor égaré, mais cha valo l' coup hein mes gins, pour ché plus anciens , i vont dire ah ouais j' me souv'no pu d elles, pour ché plus jones, allez raviser sur internet leu visache .......

j arviens al' speakrine, si l' panne ale éto vite réparée , l' temps qu ale parle , cha arparto , ou alors ale nous "proposo" l' passache du pitit train rébus ...

quand chéto plus graffe, in avo dro à un r'portache sur la ponte des tortues aux ziles galapagosses, que l' reportache i s arreto d un coup , in r'voyo l' speakrine avec un larche sourire et ale nous in faijo bin eune mineute, visache radieux , pour nous dire que l' panne ale éto réparée

y a eu des cas où dés l' départ del panne, as' premiere apparition, la speakrine ale nous prenno dins ses bras (mi dans ceux de jacqueline huet d' préférence ) et ale nous diso qu in cangeo d' programme vu que l' bobine du flime ale avo fondu

alors ché vrai , si vous ravisez des anciennes émissions sur le site de l Ina par exempe, cha do vous sembler désuet .......
mais ché que vous ravisez ché émissions là avec vos yu d aujourd hui .....
j' la djà dit , in avo pas grimint d' dessins animés à la télé avant 1970, kiri le clown vers 17 h le diminche avant le flime , popeye le diminche aussi avant 20 h, et en s'maine , avant d aller s' coucher le manége enchanté ou nounours sans oublier le jeudi aprés midi , in avo dro à queques émissions comme saturnin le canard

j in arviens à la speakrine, quand chéto eune tchiote panne ale dijo souvint qu in allo passer "pour vous les pitits , un dessin animé" nous , in éto ravi, in éto emerveillé ...
ché la rareté qui provoquo notre ravis'mint , asteure y a meme des chaines d'télé du qui a que cha des dessins animés du matin au soir ...et quand que j' dis jusqu au soir, en fait 24h sur 24h à accroire qui a des tchiots d' 4 ans qui sont insom'niaques et qui , au lieu d'braire, déchindent tout douch'mint les escayers pour pas réveiller ché parents, et alleument l' télé, cangent d' chaine, tout cha pour raviser leu émissions ........

dins min bref panorama de c' qu in pouvo trouver al' télévision, j avo oublié cor quequosse ..

d abord yavo d' sacrées plages horaires du qui avo pas d' programmes, aprés minuit y avo pu rin avant l' lend'main midi
aprés cha s arreto vers 14h pour arcommincher vers 17h en s'maine
pi et pour terminer , ché programmes chéto nin millimétrés comme asteure, et y pouvo y avoir eune mineute d' blanc à l antenne entre 2 programmes, alors là in avo dro à l horloche
chéto eune horloche moderne et in attindo comme cha l' programme suivant
asteure cha arrive cor qui a des blancs, mais savez i zont tous eune publicité matraquante pour les programmes d' leu chaine in magasin et y nous sorte l' bande annonce plus que de raison

voilà mes gins un bio sujet , au moins qui vous aura occupé à lire, et pete aussi à vous ressouvenir d' vote infance, et aussi de vot' vision, vot' vision personnelle d' la télé in noir et blanc ...

par Marie-Claire le, 18/08/2010

C'que j'avos el plus ker ch'etot Nounours Bonne nuit les petits, à partir ed 1962 jusqu'in 1973 et j'cros même qui a eu des prolongations dins les années 90
Et min grand souvenir aussi de ch't'époque là ch'est Thierry la fronde avec Jean-Claude Drouot et Isabelle , cha passot el jeudi après midi, ouais ch'étot pas el mercredi qui avot pas école l'après midi mais el jeudi, et Zorro aussi cha devot ete ale même époque début des années 60

In plus du pétit train d'Interlude , j'vas rajouter queques vidéos sur le groupe Facebook Histoires de Ch'tis, vidéos qui s'rapportent aux émissions dont parlent Minloute

par bersil le, 18/08/2010

Le 1er brevet du tube cathodique fut déposé en 1924 par Vladimir Zvorikine et Phiol Faruswart. En France la 1ère diffusion expérimentale eut lieu en 1934, en 1935 Georges Mandel ministre des postes fit installer sur la tour Eiffel un émetteur télé. En 1943 et 1944 les allemands s'en servirent pour leur propagande, à la libération ils abandonnèrent un matériel ultra moderne et un studio tout équipé installé rue Cognacq Jay. La première émission tous les soirs à 20H30 eut lieu le 4 janvier 1937, on comptait une centaine de postes en France

par nounours-94 le, 18/08/2010

mi j'em souviens d"histoires sans paroles" , el diminche soir avant el journal du moins ej cro. qu'esse que j'ai pu rigoler.

pour le petit train d'interlude allez vire sur you tupe i a eune vidéo du générique jué par "les flash" ed Fourmie, orchestre que j'ai eu l'occasion ed vire à Bruay.

par Marie-Claire le, 18/08/2010

je rajoute en lien l'histoire de la télévision en 1951 que nous avait racontée Ch'Zio
La télévision en 1951

par nounours-94 le, 20/08/2010

el jeudi matin chéto la séquence du jeune téléspectateur et l' diminche midila séquence du spectateur. avec comme présentatrice l' poupée Claire.


 


Contact | ©2005 histoires-de-chtis®.com - Webmaster : Gold77 - CNIL : 1075910 - 9 visiteurs connectés - Qui est connecté ? |