histoire d mon onque octaffe
par minloute le, 08/09/2005chéto en 1970, les 25 ans d' mariache ed mes parints
mon n'onque octaffe, ou plutot mon grand onque pisque chéto l' frère d' em grand mère, i raconto toudis l' meme histoire à la fin des r'pas, chéto l' histoire d'un anglais qui avo un costume à carreaux et qui avo attrapé des puches et i d' mindo à sin valet d' les artirer, et pour faciliter sin traval i avo numéroté ché carreaux desse' veste, alors i diso "james , allez en b 6 " et tout cha raconté avec l' accent anglais
mi quand que j' ravisse l' photo, in diro in tableau flamand, i a d' l ompe, du mouv' ment, pi aussi des personnes figées
tout 'l monte y est comme arrété face à m' n'onque qui seul, sule photo bouche, in imagine el silence, tout l' monte y est pris par l' histoire et pourtint in la connaicho par coeur, meme s' femme la tante marie, qui appuie s' tiete sur sin coute, ale acoute religieus'mint, et clara l' cousine à min père aussi ale écoute sans rin dire
ché eune belle photo , ché des souv'nirs, chéto y a eune paire d années
( 1 photos)