Gilbert est un bavard 1
par minloute le, 24/08/2010l un des premiers jurs d école, j a eu m' révélation, in tout cas j a su que j allo avoir ker les mots, tout cha grace à Monsieur Wacheux en CE1 ...
in a ouvert ch' liffe d' lecture, un bio liffe mes gins , avec des dessins bien fait à l intérieur et là j a intindu Dieu , enfin Monsieur Wacheux , commincher à nous lire dans un silence religieux , les premieres lignes du premier chapitre
et chéto excusez me du détail, mais ché gravé dins m' tiete depuis près de 45 ans "GILBERT EST UN BAVARD " là ch' maite i s arréto pour respirer , "DES QU IL S EVEILLE IL SE MET A PAARLER" j a mis paaarler, pasque ché comme cha que l avo intindu ....
j a bin appris avec Monsieur Wacheux, j in a gardé l' souv'nir d' quéqu un d' sérieux , pas forchémint sympathique , mais quéqu un d' droit , d humain , meme s il avo eune voix de basse
j a eu l année aprés Monsieur Robitaillé, tout parel, meme moule, un amour du traval bien fait, de la transmission des connaissances
l ancienne génération direz vous , mais djà les années d aprés j a pas eu , pour mi ché m' n avis , j' sais pas commint l écrire, j' diro, la magie d' l instituteux ...
les années ont passées, "GILBERT EST UN BAVARD DES QU IL S EVEILLE IL SE MET A PARLER" ne m a jamais quitté .....
près de 15 ans aprés , j' travaillo l' samedi matin chez Madame Maréchal, l' boulangère in haut d' la rue anatole france , pas loin d' à mon Ducrocq, ch' boucher, et Monsieur et Madame Leroy qui tenottent ch' magasin d' fruits et légueumes ........ et quand que j arrivo au matin tot , vers 7h30 pour commincher à couper eune paire ed pains d avinche avant ché premiers clients , et quand que j' dis eune paire, chéto quand meme un sacré paquet
bin ch' premier client qui éto là al' porte, chéto Monsieur Wacheux , i éto al' retraite, i faijo déjà agé
zallez dire , ah minloute té t a présenté à li et té li a parlé d' Gilbert est un bavard ...
zavez pourtant que quand qu on a 18 ans in n est pas forchémint redevable ou reconnaissant à ceux qui nous zont appris quéquosse dans nos années de jeunesse ........
j' m a pas fait armarqué, li m avo ti arconnu ch' sait pas , in tout cas in a jamais abordé aucun sujet inter nous que l' nompe d' pains qui voulot .........
y a décédé quequ' zannées plus tard, in m a dit qui avo mis fin à ses jours , j ' vous avoue que j avo été touché par s' disparition