printe , prenais, prennais
par minloute le, 27/08/2010j' l a mis cha dans la catégorie coups de coeur, coup de gueule ...
taleure j éto sur m' fesse du bouc, face book , pour ceux qui savent te pas et j hésito avec ch' verbe prendre
in dit je prenais ou je prennais , zallez dire ché chtichi ché évident , pour d autes che s'ra chtilale ...
quo que j' fais, j écris sur gogole dans la rubrique "recherches" "je prennais" , mi j éto sur que cha s écrivo comme cha , avec 2 n
pas d' soucis yavo plein d' sujets du que chéto écrit "je prennais "
j' arviens am' page sur facebook, pi j a un doute, j' buque la conjugaison du verbe prendre , et là bin chéto l aute solution
"je prends" devient "je prenais " à l imparfait de l indicatif et l' verbe prendre i prend 2 n qu au subjonctif présent "que je prenne"
ché là qu in peut vire l effet pervers d internet .......
l' pire ché dans les forums, as' deminder si y a pas eune nouvelle orthographe et grammaire qui va s' mette en place en france, ché un mélanche d' abréviations sms et du peu de c' qui zont artenu à l école ....... té obligé d' lire tout haut pour comprinte c' qui est écrit
l' pire pour mi ché les terminaisons d' verpe, infinitif "er" à la place du participe passé
et alors les accords ...................
y a pas que les forums du qui a des fautes à tire l arigot, mais ché quand meme ch' pompon ...
aprés c' qu on trouve l' plus ché quand qu in do met' 1 ou 2 n , ou l ...
et j' vo que j' fais plus d' fautes d' français qu avant ...ché quand meme un comble , mais cha d'vient quand meme inquiétant d' vire les fautes qui font rin qu' nos zinfants
j' vo min grand qui fait des étutes aprés l' bac, bin quand qui écrit , y a des coups quand que j' vo les infinitifs al' plache d' participe passé ......j a des hauts l' coeur .....
li cha l inquiete pas ...
alors d un coté, t a des viux infremaï dans leur académie et qui artravaille l' dictionnaire indéfinimint
et d' l aute coté , des jones qui écriffent comme i viffent , à toute berzingue
j' me dis qu on enseigne ptete pu comme avant ,i parait qui a pu d' dictées , mais j' voudro pas tomber dans l' syndrome du bon vieux temps, mais i do bin y avoir eune explication , ché programmes ont ti tant cangés ? l' nombe d heures consacrées ché ti moins nombreux ?
ché quand meme l' monte à l envers, ché ichi du qu on parle patois qu in vient définte l' langue française
ché dire qu in n est pas rancunier nouzautes, nous qu in a empéché d' parler patois à l école in rabaissant ch'te langue plus bas que terre ..............
ché pour cha aussi que l' patois ché plus simpe , j' arprint mon verbe prendre , alors à l indicatif présent , cha fait quo , j' print ou j' prinds ou j' prind , ah ouais nous non plus ché pas réglé ch' t histoire là , mais pour nouzaute , comme cha a été vraimint eune langue orale ché moins graffe ..
j'vos pas pourquo qu'té t'cases et'tièt avec cha, j'vas même e'dire qu'cha m'étonne qu'té posse de questions parels , et pi nan passe que mi aussi j'em posse ech'genre ed'question , quand j'dos faire in lette officiel pour savoir si j'dos mett er , a l'ecole ech' maite y dijot faut rimplacher par prendre , et pour é , par pris , et ya grammint d' pétits trucs come cha 'jé m'rappelle , mis ya bétot 60 ans d'cha