les carettes
par minloute le, 28/08/2010avec nos ziux d infants, quand que j éto tchiot j avo ker 2 carettes , l' Ariane d' mon monnonque, pi eune Aronde qui stationno dins l' rue
j' metto meme dit que quand que j' s' rais grand , j acatero eune Aronde ....
min père li yavo eu un peu plus tard , eune 204 peugeot, et j ' avo l' souv'nir que chéto eune voiture vraimint moderne pour l époque
j in a arvu eune y a pas longtimps, bin quand té compare ch' te carette avec n importe laquelle des carettes d achteure , y a un monde ...
j' parle pas moteur, mais surtout confort
ah chéto meme un peu "spartiate" pi rin qu à vire la taille des pneux , t'et' demindo presque si chéto pas d' la folie d' partir in vagances à chinq là d'dins ...
as'deminder si en trente ans, in a pas cangé d' morphologie, ché carettes d l époque ale sont bin plus étroites et plus pitites ...
pi si t avo eune panne avec eut' carette, té trouvo toudis un garache dans chaque villache pour eut' dépanner
chéto pas cor l' temps d'tout électronique , et in pouvo facil'mint canger des pieches sur n' importe quel moteur ....
chéto l époque du qu' les zautoroutes chéto sur quelques axes, et cor , mi j a connu l' autoroute qui s arreto à Arras et pour aller à Béthune , té prenno ché tchiots villaches la Targette, Souchez , Aix Noulette
et aprés yavo pas cor l' rocade pour aller vers bruay
cha a été eune avinchée l' rocade pour l époque , mais combien d' coups qui a eu d' zaccidents sur chte portion d' route ché pas croyape ......
in a été bassiné un tchiot peu plus tard al' télévision par l' port d' la ceinture d' sécurité ..........
pi in a eu dro au premier choc pétrolier ....
min père i a acaté eune renault 12 orange vif avec sieges baquet noir ...du plus bel effet à l époque, mais ché nin eune couleur qu on artrouffe asteure
y a des couleurs qu in vo pu su ché carettes, l' orange, l' vert normal, le bleu aussi , le noir cor un peu
par conte l' blanc ché resté classique, pi est ce que ché à l imache du temps, toutes les couleurs un peu vives ont été rimplachées par du gris métallisé
allez , ayez pas peur , in a presque tous eune carette gris métallisé, si ché pas nous , in a tous quéqu un del famile qui a eune carette de chte couleur .....ché ti que cha f'ro plus sérieux , et qui faudro paraite plus sérieux ?
mi j a apprécié d ' conduire eune renault 14 , sacrée carette qui a eu sin lanc'ment foutu in l air à cause des' publicité "la poire" cha a pas plus à tout l' monte ......
et autant tchiot j' voulo eune Aronde, autant à 20 ans j' trouvo l' break renault 18 , et la renault 30 comme l aboutis'mint des carettes
j a arvu y a pas longtimps un break renault 18 , bin cham' fait plus l' meme effet ...
Bonjour tertous
Minloute relate les bagnoles ed sin temps. Mi j'mé rappelle d'ché pneux à flancs blancs. Chéto des pneux avec des flancs blancs. Cha faijo plus mieux. Chéto synonyme ed luxe. Asteur, pour treuver des pneux ainsi, faut tout d'abord r'chercher et pi faut y mette elle prix car ché hors de prix. Mais in cachant bien in peut cor in treuver pour ché voitures ed collection.
mi aussi j'ai eu renault 12 cha été em deuxième carette après em n' R5 ale éto pratique parce que les sièches avant i faisotent couchette ché pas la peine qu'ej vous in disse plusse vous aurez deviné!!