les bricoles d' la Napoule
par minoute le, 06/09/2010cor merci à Daniel qui nous a fait partager des objets qui rappelleront à beaucoup des "juju" qu in avo offert à vot' famile et que zavez connu tronant such' buffet , ou alors, rangé dins n'écrin comme ch' briquet silver match
quand qu on parto à La Napoule ou à Menton, in étot fier, d abord comme j a djà dit, chéto souvint l'fruit du hasard
d ' abord fallo avoir l argent pour s' payer ch' voyache, pi aprés té déposo eune demante , avec des dates approximatives d' séjour , et aprés chéto tiré au sort
donc chéto toudis eune joie quand cha arrivo dins vot' famile
in in parlo à ché vigins , al' famile, j' vous parle pas du séjour dins l' détail , mais bien des "jujus"
in acato des jujus pour soi, pour troner such' buffet , pour qui reste eune trace de ché formidapes vacances al' vue de tout chti qui rintro al' mason
aprés in acato un tchiot souv'nir pour l' famile , et quequ' fo pour ché vigins
là chéto aussi pour marquer aux zautes que NOUS in éto parti en vacances, y pouvo y avoir eune pointe d orgueil in faijant cha
ché un peu comme l' pélerinache à Lourdes , quoi que là y a la ferveur chrétienne, et là ché pas sur qu' toute la famile ale partage cha, et in ram'nera eune tchiote estatue in plastique d' la vierche rimplie d io d' Lourdes à eune voisine qui vous l a d'mindé ou eune connaissance del' messe .......
in tout cas Daniel , ché touchant d' vire qu' t a gardé ché zobjets là et surtout dins leur emballache d origine, comme si l' objet éto détourné de s' n ' utilité comme chi un pouvo utiliser ch' briquet mais l' laisser comme objet souvenir ....