les deuxièmes prénoms suite

désolé Nounours mais min père y avo des prénoms qu aprés cha té li donno l' respect , min père chéto "Léonce Alphonse César" .......
Pourquoi Léonce, pasque ché souvent grace à la généalogie qu in peut artrouver pourquo un prénom y a été donné .....

Cha démontre aussi l importance que peut avoir quéqu un d'eune génération d avant , dans eune famile

Léonce , chéto l' prénom du frère ed' sin père , jusque là rin d' bin extraordinaire, sinan comme j' dijo juste avant , cha démontre que ché frères i s avo ker

pour l' troisieme prénom , César, ché chti d' sin grand père paternel qui a pas connu , pour preuffe ch' pauv' garchon y est décédé à 28 ans
ch' fameux César i éto djà orphelin quand qui s éto marié 4 ans avant, et cor heureux qui a pas trainé in route pour faire deux infants, sinan yauro eu des chances que j' s'ro pas ichi in train d' babeller su l arnitoile .....

par conte , du coté des' mère , la famille Furgerot, là chéto plus compliqué, et cha vaut l' coup que j ' m attarde un tchiot peu su' leurs "moeurs" cha va aussi vous donner un tchiot éclairache sur la vie d eune famile au siecle dernier, voir au siecle précédent ...

la famille Furgerot , originaire de Guyencourt dans le nord, près de Cambrai , était une famille nombreuse

on y trouve souvent des agriculteurs bouchers

comme je vous l ai déjà dit dans un aut' sujet, eune partie d' la famille ale a attéri à bruay suite à de mauvaises récoltes, ché femmes ale tissottent d' la laine dins ché caves del mason
al est v'nue ichi pasque mr Elby qui habito aussi guyencourt éto v'nu à bruay queques zannées avant
i avo monté les echelons , avant escusez me d' l allusion, d' monter la file du directeur des mines d' bruay, pour ensuite l épouser
et comme i avo comme filleule eune file Furgerot et que leur situation ale éto mauvaisse dins leur villache, i les a fait v'nir à bruay pour travailler dins ché mines
Paraitrait il qu il l auro fait aussi pour d autes familes de son villache d origine
tout cha ché des souv'nirs d' eune cousine à min père , née vers 1907 et décédée en 1995

à chaque génération, chez les Furgerot , in ravisant les états cibils , on faisait en moyenne entre 4 et 8 enfants ....
in s apperçoit qu à 2 générations d écart , y a des mariaches entre cousins cousines ,et qui a par exemple meme dins m' famile, un Furgerot qui épouse eune demoiselle ...Furgerot ......

Nounours i parlo des prénoms taleure, j a d' che coté là eune file qui a comme premiers prénoms "Eudoxie Pulchérie " ché quand meme pas courant ...

mais l' pire y est à v'nir, et ché un vrai casse tete quand que j' me plonge dins chte branche d' min arpe généalogique ché que , et chéto courant ach' momint là , ché qu in cangeot d' prénom ...
qu on cange d' prénom j' diro j' m appelle marcel, et j' veux qu on m appelle justin pourquoi pas si cha m' permet d' différencier d' quéqu un d aute

mais pourquoi Jeanne as fait appeler Blanche , alors qu ale a djà eune Blanche comme cousine qui elle s' fait appeler autremint, et qu ale a aussi eune aute cousine qui elle as' fait appeler Jeanne ?
quand que l' cousine à min père ale in parlo fallo printe sin ticket , fallo suive... "l' file à Marcelle ,Blanche ale a fait chi ale a fait là ..." min père i dijo " Blanche? " s' cousine "ouais Blanche , enfin Jeanne " et ale poursuivo ...

pour in arriver au deuxieme prénom d' min père soit Alphonse l' prénom d' sin grand père mais qui s appelo en fait Jean Baptiste ......

et l' pire dins l histoire , alors j' sais pas si y a bénéficié d un employé d' mairie peu ravisant qui a pas vérifié les dires d' min arriere grand père , bin y avo réussi à avoir des papiers d identité du qui apparaisso comme seul prénom Alphonse, l' prénom que li is' donno ........

té sais minloute quand j'ai mis l'artique chéto pas pour em moquer. j'en fait pas ed généaolgie cha m'interresse pas.chacun ses gouts comme dit l'autre. comme té l'a écrit sur un précédant sujet peut ete que dins 10 ans ou 20 t'ans les jones i trouv'ont bizarre el prénom ed Jean-Marc, Pascale, et qui sait Marie- Claire, et dins 100 t'ans Davy, Dylan désuets ché comme cha, ché la vie tout évolue.

Té sais nounours cha mettra pas 100 ans, ché prénoms cha évolue gramin plus vite que cha , té prinds l'exempe des prénoms "américains" , ch'est pas péjoratif ce que j'dis hein, mais ch't'époque là ale est déjà pas mal passée ed mode, in arvient à des grands classiques et des viux prénoms, c'qui est "tendance" in 2010 ch'est Adèle, Louise, Emma, Léa, Clara entre autre pour les filles et Jules, Louis, Raphaël, Gabriel, Mathis etc pour les garchons

Dins les prénoms dont parle minloute, mais cha j'cros que jé n'a déjà parlé, j'avos eune grand mère qui s'appelot Pulchérie (et que tertous appelotent Chérie) , eune aute Rodophine et un grand père qui avot aussi cangé ed prénom, personne ne savot qui s'appelot Alphonse i s'a toudis fait appelé Jules, d'ailleurs quand i est décédé in a mis Alphonse-Jules sur el faire part, chés gins n'aurotent pas su qui ch'étot sinon

C'qui s'féjot aussi gramin ch'étot les surnoms, in appelot ches gins que par leu surnom, j'a surtout connu cha à la campane à Enquin les Mines, mais cha ch'est eune aute histoire