histoires-de-chtis® depuis le 20 février 2005

 

 

Les 60 dernières histoires


  souvenirs douloureux (17/09/2017)
  ch' rabattu et la buée (17/09/2017)
  hatari (17/09/2017)
  El centre aéré géant de Bruay (11/09/2017)
  Bruay, El pont ferroviaire d'Lavolville (11/09/2017)
  Eune consultation al' champe (11/09/2017)
  Eric Denudt artiste peintre un gros coup de coeur (11/09/2017)
  que j auro ker avoir eune chiffernée (10/09/2017)
  Merlimont hors saison 17 (07/09/2017)
  souvenirs d' rintrées (04/09/2017)
  eune pensée pour eusses (03/09/2017)
  à la recherche de nos taïons (28/08/2017)
  Marles-les-Mines, el station SNCF (18/08/2017)
  Vermelles, le nom de la Cité du Philosophe (13/08/2017)
  Merlimont hors saison 16 (13/08/2017)
  collection de poupées (04/08/2017)
  Merlimont hors saison 15 (31/07/2017)
  Auguste Labouret (27/07/2017)
  au coin d' la rue de Périgueux et et de Grenoble (26/07/2017)
  du bout des léves .... (26/07/2017)
  Tour de France (23/07/2017)
  cha vient de Naxos (22/07/2017)
  Première descente (16/07/2017)
  la croix de grès de Divion (10/07/2017)
  attintion aux courants d air (06/07/2017)
  Merlimont hors saison 14 (05/07/2017)
  gai gai l écolier (04/07/2017)
  Merlimont hors saison 13 (03/07/2017)
  Merlimont hors saison 12 (02/07/2017)
  Merlimont hors saison 11 (02/07/2017)
  Merlimont hors saison 10 (02/07/2017)
  Merlimont hors saison 9 (01/07/2017)
  Merlimont hors saison 8 (01/07/2017)
  Bruay et el batalle du carbon (27/06/2017)
  Merlimont hors saison 7 (18/06/2017)
  Merlimont infinqué (11/06/2017)
  La mairie de Bruay en feu (08/06/2017)
  Merlimont hors saison 6 (06/06/2017)
  Merlimont hors saison 5 (05/06/2017)
  Merlimont hors saison 4 (04/06/2017)
  Merlimont hors saison 3 (04/06/2017)
  fête des mères (28/05/2017)
  Flameng, Vimy, Ravel, Cendrars (25/05/2017)
  décès de Monsieur Joseph Malecki (23/05/2017)
  cha tourne à toute blinte (20/05/2017)
  j y a cru (20/05/2017)
  ah l' bon gout d' la levure (18/05/2017)
  souvenir du vélodrome de La Buissière (16/05/2017)
  Merlimont hors saison 2 (14/05/2017)
  j' fais m' b a (14/05/2017)
  Merlimont hors saison 1 (13/05/2017)
  Merlimont hors saison (10/05/2017)
  barraqu'mint près de la rue de maubeuge (07/05/2017)
  pas comme ché belches (06/05/2017)
  mais commint qui fait ? (02/05/2017)
  1978 drole d' caricature (01/05/2017)
  les élections présidentielles (29/04/2017)
  ch'est pas pour les éfants (28/04/2017)
  rin qu à l odeur (25/04/2017)
  vous zin prindez bin eune tranche (24/04/2017)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 clarinette61 ( 09/09/2017)
Bonjour à tous Fill...
 Mégane ( 08/09/2017)
Bonjour, Habitant ...
 FRYHTAN ( 30/06/2017)
Bonjour à toutes et ...
 Pascalou ( 25/06/2017)
Bonjour à tous, je v...
 Greyg ( 15/05/2017)
Bonjour à tous, Je ...


Liens
Histoires de chtis sur votre site
ch' supermarché
par minloute le, 17/09/2010  

dans l' temps y avo qu' des tout tchiots commerces, j' vous parle jusque qu au miyeu des années 60, l' femme ale allo chez l' boucher, l' boulanger, l' marchand d' légueumes , cha li prenno tout juste ed quo rintrer al' mason , faire ch' repas et y éto l heure d aller arquerre ché zinfans à l école
pi y avo les magasins Coop, avec ché fameux timbes d' commissions qu in collo al' fin d année, religieus'mint sur ché grantes feules prévues à ch' t'effet
nous ichi, y a eu l apparition d' superettes dins ché années là , y avo Cedico pas loin d' la gare, Libéral rue Jules Guesde, Les Nouvelles Galeries en centre ville.... j in a ptete oublié , sur' mint
mi j' me souviens ach' t époque là j a eu l occasion d' aller visiter le premier supermarché installé en france, chéto à ste genevieve des bois, l' premier magasin carrefour, chéto pour mi qui devo avoir 8 ans, la vraie caverne d ali baba, j' me souviens que j' devo donner impérativ'mint l' main am' mère pour pas que j' me perte dins ché zallées
aprés j a visité du coté d' Lille un hypermarché, 2 ans plus tard, chéto un magasin Auchan
et j' vous jure in y avo été avec mes parints, m' soeur marie theresse et min bio frère jean claute, in a été surpris par l' taille du magasin
j 'm'souviens qu à l entrée y avo d accroché in hauteur eune série d' batiaux in plastique, savez pour pequer su ché zétangs , ché ch' jur là que m'soeur Marie Theresse, ale m a acaté 3 liffes qui racontotent des histoires d' western, dont 2 que j a eu l' plaiji quequ' zannées plus tard d' vire au cinéma, chéto "la conquete de l ouest" , l' preuffe que d offrir des liffes cha peut laisser des bons souv'nirs
par conte un consel, offrez pas un liffe à un infant d' plus 8 ans asteure, i va vous raviser bizar'mint comme chi i s avo pas quoi faire de c' qui avo dins les mains , j exagère à peine ......
comme j' la djà dit, in faijo eune grante partie d' nos courses au magasin Libéral qui éto rue Jules Guesde, chéto eune grante superette, et chéto djà moins cher que la coop, ché pour cha que mes parints i zy allottent , et meme i zy acatotent l' viante , au grand desespoir d Omer ch' boucher qui un coup avo arrété m' mere sul' trottoir, bin polimint j' vous rassure, mais qui éto surpris d' plus vire m' mère comme cliente , ale li avo dit j m in souviens cor "qu ale avo trouvé sin compte ailleurs"

cha n a pas empéché Omer d' toudis nous dire bonjour, et j y allo quand meme et cor heureux, pasqui faijo un saucisson à l ail mes gins ,que JAMAIS j a artrouvé ch' gout là ..........

pi y a eu des bruits qui allo avoir un grand magasin qui allo s' construire du coté d' labuissiere
cha a fait du bruit ché quand qui zont comminché ché fondations et qui sont tombés sur des vestiges gallo romains
in a intindu ach' momint là tout et sin contraire, du fait qui zavotent trouvé ché vestiges, i n allottent pu pouvoir construire ch' supermarché au d' sus....que si qui dijo l' commerçant du coin , in mettant ché légueumes sul' balance, cha va pas les arreter zallez vire ...

faut dire que ché li qui a eu raison, aprés quequ' semaines d' arret pour déblayer ché fouilles, l' chantier y a arpris et ch' magasin carrefour y a ouvré ché portes ....
cha a été un sacré chang'mint d habitute, surtout au début, pasque ché zhommes i zavotent te pas l habitute d aller faire ché courses, bin nan hein, chéto l' domaine des garnoules cha....
mais comme asteure pour faire ché courses à labuissiere, y a bin fallu l' conduire l' garnoule ach' magasin .... ach' t époque là , yavo pas grinmint d' femmes d' 35 40 ans qui conduisotent ....
alors té lé voyo ché zhommes au début, i n' a j' m' in souviens qui restotent dins leu carettes à lire ch' journal, d' autes plus finauds qui donnottent rendez vous ach' femme au bar del gal'rie marchande
té lé voyo ché zhommes , assis seuls à leur tape, eune mousse d' vant eux, à attinde que grand mère ale finisse ché courses, et ach' momint là, bin grand mère ale buvo un coup et grand père i prenno eune seconte mousse .....
in a artourné plusieurs coups à Libéral, et ché caddies i nous simblotent et' des caddies pour tchiots tel'mint i parraissotent pitits par rapport à ceux d' carrefour ...

j avo l' grand mère d' em 'voisine qu ale est v'nue in france, ale éto polonaisse, et là ale a eu un choc d' vire des rayons pleins d' marchandisses, mais ale trouvo pas normal qu' ché gins i s infuient pas au passache des caisses sans payer ...... faut dire chéto cor l époque vers 1973 du que quand ché polonais d ichi i zarpartotent in polone, i prenotent plein d' vet'mints pour leur laisser eune fo arrivés là bo .....

aprés in a tout intindu, y a eu un momint du que j' me souviens, j avo un camarate d ' CES qui nous avo dit que ch' magasin Carrefour i allo fermer pasqui faijo pas assez d' sous, que meme si nous in éto etonnés d' cha , i avo l' argument massue pour qu in l'cro : it'no cha des ' mère qui travaillo au magasin
l' seul' cang'mint qui a eu ché que in a pu été à mon Carrefour, mais à mon Cora ......
cha a été un sacré cang'mint dans toutes nos zhabitutes d achat, souvint j' diro meme chéto apporteur : in trouvo des centaines d' liffes d' poche à des prix bin inférieurs à c' qu in pouvo trouver chez Dambrine ou Dupond , y avo bin plus d' choix, pi yavo meme un restaurant d' dins ch' magasin, chéto situé au d'sus des liffes et des chaussures, ti accedo par un escalier , ch' restaurant i éto dinch' magasin à l étage ...

ché les commerçants d' bruay qui ont comminché à souffrir, pi d années en années, et meme rapid'mint, cha a comminché à freumer boutiques...... J'sais pas si Libéral cha existe cor, Cédico j' pense te pas, les Nouvelles Galeries cha a freumé y a un momint
toute l ossature commerciale d' bruay ale s a pris un coup qu ale n a jamais su s arléver ..... tout a cangé, des rues intieres d' commerce, en 10 20 ans ont pratiqu'mint disparues , mi j' la connu rue Anatole France du qui reste asteure , mais cha fait djà un momint, un dépot d' pain, eune framacie, et un tchiot commerce d alimentation pour du dépannache ..........
j' me souviens aussi quand j allo à mon dech' coiffeur rue raymond deruy, i éto un tchiot peu énervé, pasqui avo des clients à li qui allotent asteure s' faire coiffer dans la galerie marchande ...d' abord i parait que chéto des coiffeurs qui savotent te pas coiffer ...et l' pire ché qui avo vu des clients à li s' faire coiffer là bo ,un jur qui allo li meme i faire ses courses ..enfin i dijo pas qui faijo ché courses làbo au départ, i dijo qui y allo pour faire un tour ........
ch' coiffeur bin seur, mais aussi ché marchands d'oeufs et d' beurre qui venottent des cinses alentour , ch' marchand d' cresson.....
in a acaté del viante sous vide , ch' boucher y a vu rapid'mint l impaque d un supermarché, mais pinsez aussi que les habitutes ale zont cangés, ch' lapin, in l acato sous vide, meme cachaloque , qui djà voyo sin commerce marcher sur eune patte, cha a été pour li l' coup d'grace ...meme cachaloque mes gins pinsez ...

par maurice devos le, 17/09/2010

j's'rai toudis surpris par tous chés détals , qu'té peut donner din tes commentaires , commint qu'té fais , j'arrif pas comprinte
mais ché bin vrai , chés grantes surfaces ach'teur , cha n'a pu d'ames , ya pu s'qu'in trouvot avant din chés tiots commerces ed' quartier ducqu'tout l'monte y s'connaichot

par Boxerman le, 17/09/2010

In complémint ed Minloute y'avo aussi les CCPM, les magasins SPAR, DOCK du NORD, magasin J (Magasin J j'y gagne qu'elle dijo el publicité), et pi y'avo aissi SOCOPAL. CEDICO cha voulu dire CEntre de DIstribution éCOnomique ch'patron chéto M CATEAU à AIRE SUR LA LYS, et pi j'va pas oublier les magasins WYBO notammint au n° 3 à côté d'la Cressonnière. Ouai ché vrai que, quand y z'ont creusé carrefour y 'zont mis à jour des fours Romains. Ché travaux y z'ont été stopés mais cha couto trop chère et pis ché travaux on r'pris. Mais pendant un longt momint y'a eu un secteur qu'éto toudis in fouille par des archéoloques. Chéto derrière ec magasin.

par nounours-94 le, 18/09/2010

à propos ed Carrefour
ej va cor m' faire "tuer" par la lique anti alcoolique mais tant pis.un cop in s'in va i faire un tour avec min cousin compagnon d' beuverie et deux copains.in décite d'aller boire un verre el barman i s'ramène et i deminte:"qu'esse qu'ej vous sert"? in dit 4 litres. ben ouais el premier bistrot ed carrefour i servo des chopes d'un lite ech nonoche la i s' ramèmne avec.....4 verres ed lait. horreur et damnation i a fallu i dire que chéto 4 chopes d'un litre ed bière.bien intindu chacun i a armi esse tournée in est arparti avec chacun 4 litres ed bière dins l' vinte. ej sais cha peut choquer certaines personnes mais comme dit l' canchon nous étions jeunes et larges d'épaule in savo incaisser.cha s'ro asteur ché direct au urgences pour crise d'éthylisme
ej vous met un autocollant que j'ai arteuvé dins min fourbi cha vous rappellera des souv'nirs


  ( 1 photos)  


Contact | ©2005 histoires-de-chtis®.com - Webmaster : Gold77 - CNIL : 1075910 - 20 visiteurs connectés - Qui est connecté ? |