not' univers

ché eune reflexion d' min camarate Didier qui m a donné "l' matiere" à parler d' cha ... "in éto heureux, in juo avec rien"
est ce que chéto pasqu in éto plus pitit , aussi bin in ache qu en tale, qu in voyo pas les chosses comme asteure ?
allez , v'nez faire un tour avec mi sur min bidet
j' sais bin ché un bidet fictif que j' chevaucho, un peu comme un centaure ...
mais chéto pas n' importe quel bidet fictif que j' chevaucho, chéto Tornado, ch'ti d' Zorro

mi m' n' hacienda chéto nin comme celle à Don Diego, chéto un des grands volets in bo peint in vert , que j appuyo conte l' mur d' la maison qui m' faijo office d' mason

pi comme zorro j avo toudis quelqu un à sauver , alors j enfourcho min bidet fictif et j' parto à l' aventure, in gallopant jusqu au fond dech' gardin ..... l'caniveau qui y avo dins l' cour, chéto eune rivière, j' prenno m' n élan , ou plutot mi et min bidet , in formo vraimint qu un ,l' preuffe que j éto un bon cavalier, in franchisso ch' caniveau majestueus'mint comme i faijo m' n' idole Don Diego
aprés fallo monter in haut del colline, pour arriver ach' plateau, in faijo demi tour au bout, in arfranchisso l' riviere, tout cha pour arriver enfin du qui zétotent ché méchants et là j' sorto m' fine épée et y avo un terripe combat qui s ingageo , mais zinquiétez pas, mi , comme Zorro in gagno toudis .....
j' armonto sur min bidet fictif, j' donno un large coup derriere mi pour que m' cape ale s armette bin et j arparto au galop tout in ayant pas arrété d' canter tout haut l' générique du feuilleton
j' gagno presque à tous les coups , j a dit presque pasque i pouvo y avoir des éléments extérieurs qui pouvottent d un coup faire querre tout l univers que t avo créé

ti t éto in train d' chevaucher Tornado et vla ti pas qui a un vigin qui passe dins l' rue , pi qui t interpelle, in s' moquo d'ti in train d'juer ...
cha chat' casso les pattes, té li répondo pas pasque t avo été bin el'vé mais dins t'tiete té dijo quand meme que chéto un con ...escusez me du terme .....

ou alors et chéto souvent l' cas, chti qui m' faijo ardéchinte vite fait d' Tornado chéto min père, suffiso qui sortent à ch' momint là et j avo dro à

"armet ch' volet au sol, as' plache" , ouais y a des coups Zorro i emprunto des ponts avec sin bidet, mi aussi, j' metto alors ch' second volet in bo au sol, au d' sus del' riviere, euh du caniveau, et j' galloppo d' sus in allant et in arvénant du gardin
"armet ch' volet au sol , as plache, té va l abimer, et ché mi qui va l' faire réparer, ché pas ti qui va l arpeinte" etc etc
aprés j avo dro à "touche à rin au gardin" ,min diu que malheur , savez la vie d' Zorro dinch' gardin à min père chéto pas facile , fallo surtout pas sortir du ch' min en briques qui avo mi au sol, malheur à zorro si min père i artrouvo des traces d' sabots, euh d' pieds , dins l'terre .......
ou alors " artire cha det' ceinture , si té qué à terre , té va t' faire du mau"

Bonjour à tous.
Mi j'mé rappelle qu'mes parints m'avotent aquaté l'pistiolet ed "Joss randall" dech feuilton "au nom d'la loi". In avot aquété cha ché Rose, l'épicerie in face del boucherie Barel au n°3. Ché vrai qu'inch chtemps là, quand in aquato un pistolet ou un' épée in plastique in les mucho car in avo peur equ ché policiers nous véyotte avec d'in l'rue.

bin mi cha m'rappelle boxerman , in chinture ed' cove boy , avec ses cartouches et bin sur chés pistolets qu'j'avos archu d'amérique , bin ouais , cha peut paraite bizarre mais ché vrai , comme min père yavot été déporté politique , in avot des marraines in amérique qui nous inveyottent des colis et in fos j'n'ai eu un pour em n'anniversaire , un gros , j'etos contint , mais j'ai tellemint été déçu qu'ej n'ai brais , en din yavot qu'des godasses ed' femmes à talons haut
mais des fos din chés colis yavot des belles (pour l'époque) ropes ed' toutes les couleurs , yavot aussi des fos d'el poute ed' couleur pour mette din l'ieau , chés les premiers jus d'oranche , ed' chitron , et suremint d'zautes parfuns , que d'souvenirs