l' art d accomoder ché restes
par minloute le, 01/10/2010zallez dire , y a fait un sujet such' bouillon et là i fait le lachis, i s imbete pas chtilale .....Acoutez ché pas d' eme faute si ch' plat d' pot au feu chéto un des plats préférés del' ménagére ..
té mingeo l' viante caude avec ch' bouillon et ché légueumes ... aprés té pouvo arboire du bouillon au soir in rajouttant du vermicelle, et té pouvo cor in arboire l' lend'main midi, aprés ch' bouillon i tourno i d'veno trop aigre
ché ché pour ch'bouillon, au suivant !
ché légeumes, au soir té pouvo les minger frod in salate, pi faire simplement récauffer l' sauce tomate du midi et napper l ensempe avec ...
té pouvo aussi faire eune espéce d' rassacache, d' ratatoule : dans eune poele té mélingeo l'reste del viante froite avec ché légueumes, t arcuiso cha et tin r' pas du soir i éto pret
mi ché pas comme cha que j' préféro, chéto quand M'man , ale préparo pour l' lendemain midi : dans eune assiette creusse, i avo ché morciaux d' boeuf in vinaigrette, avec ché échalottes s il vous plait , et qu in plus que m' mère ale rajoutto des capres, que j app'lo cha des crottes d' lapin pour vous dire que j aimo pas cha quand que j éto jone
alors qu asteure j in raffolle, ah les gouts et les couleurs vaste programme..et cor heureux qu in ait des gouts différents, sinon cha s'ro monotone et moins diversifié ......
minloute t a cor dévié, arviens à tin sujet ...donc j 'éto avec l' assiette d' boeuf fro avec s' vinaigrette , l échalotte et ché capres....et quo qui avo avec ? bin des frites, que question ...in plus qu in metto del moutarte au coin d' l assiette, un verre d' biere et vla ché cha l' bonheur
pasque l' viante d' boeuf froite, bon ché vrai cha va quequ' fo ch' coincher dans les dints, vu que ché des fibres, mais cha a gardé , cha a pompé, cha ché imprégnié d' l odeur du bouillon et là ché un régal pour mi .........
allez faire minger cha asteure à ché jones, rin que quand qu in met sul' tape un plat récauffé, i vous ravisse du ginre " t avo pas d autes idées ?" " in n a pu d' sous pour arminger les restes " ...ouais pour eux ché "restes" ché comme chi in avo fait eune mauvaise gestion des courses, " in n a trop acaté , trop fait , qu in est obligé d in arminger au soir" , ché un peu aussi l'société d' consommation qu ale veut cha, in consomme, in jette et in passe à aut' cosse ....
Au lend'main d' la guerre, chéto pas cha, mi j a artrouvé des cahiers intiers du que m' mère ale marquo chaque semaine les dépenses ménagéres
ale découpo aussi dins ché journeaux, chéto l' mote à l époque, "l' art d accommoder ché restes"
in j' to rin al' mason, chéto sacrilège ou in l' faijo mais pas d' bon coeur , quand qu on devo j'ter del nourriture al' poubelle ...
faut dire qu ale caffe meme si i faijo fro, chéto pas les memes conditions d' conservation que dans un frigidaire ........
m' vla à la fin du sujet et j' me dis vinguette j a pas cor aborder c' que j' voulo parler , le hachis parmentier, bin cha f'ra l objet du deuxieme sujet d aujourd hui mes gins ...