l' tricotache
par minloute le, 08/11/2010j' vous avoue que j a toudis ravisé cha d' loin ...chéto pas m' tasse d' thé d' vire l' tricotache, un truc d' manman , d' grand mère, mais j'voyo cha d un eule pas concerné ...
pour mi chéto toudis un plaiji quand que j'parto avec m' mère faire ché courses "en ville"
nous à Bruay, yavo l' topographie qui facilito l' esprit de quartier , tout comme à Rome ou à Paris, Bruay éto entourée d' collines
du viu bruay encaissé l' long d' la lawe jusqu à 1850, l industrialisation, le forçage des puits a créé autour de cet ancien noyau, de nouveaux quartiers, non pas construits autour d une église comme auparavant, mais autour d un puits d extraction
les commerces de proximité se sont developpés dans chaque quartier ,mais y avo aussi l' plaisi d'"déchinte à Bruay"; au centre ville...
chéto un peu comme asteure les gins qui vont al' porte nord, yavo aussi ché "grands magasins" , bon là chéto l' prisunic, mais savez , in auro pu comparer l' hora de chte supérette quand qu ale a ouvrée, à asteure avec ché grands hypermarchés, chéto révolutionnaire
autant j avo ker aller à mon Prisunic, à mon Dambrine et surtout à mon Dupond , ch' libraire et marchand d' journeaux et fournitures scolaires in face du lycée carnot, autant j avo pas ker aller dins deux magasins, chéto Pinguin et l' aute , Phildar ....
chéto des montes exclusiv'mint pour ché femmes, nous in y rintro mais pasqu in éto tchiot, comme si in éto pas cor formé , et que not' présence pouvo s' tolérer par not' jeune ache
d' abord j avo pas ker chéto l' silence qui i reigno....autant al' bouch'rie l' femme al' pouvo parler fort, autant ichi chéto presque plus près du confessionnal que d un commerce ... yavo rin d' secret , mais j' sais pas, est ce que chéto pasqu i yavo eune espéce d' moquette au sol, est ce que chéto l odeur qui s' dégageo des p'lotes d' laine ? est ce que chéto l' personnalité des dames qui s in occupote ? in tout cas l ambiance ale éto "feutrée" , pas comme l' laine ...mais feutrée quand meme
nous ché zinfants, chéto recta, dés qu in rintro ichi , fallo tenir du poisson pilote, ché t a dire , pas quitter l' sillache de s' mère , mais surtout pas d' albatros, t avo intéret à ringer tes"ailes" et à garder tes mains dans tes poches