ché pain coupé suite
par minloute le, 25/11/2010Madame Maréchal ale s approche d' li et li d'minte alors d' eune vo tonitruante pourquo qui éto in r'tard, et comme min Joseph i parlo TOUT DOU CHE MINT sans s enerver et que quand qui raconto quequosse i raconto tout dins l'détal, du momint du qui avo arpris l' carette jusqu à c' qui arriffe à eune route du qui avo ch' camion d' brasseur qui boucho l acces...Madame Maréchal ale a tourné ché talons et in a tous armis nos tietes dins ch' guidon pour qu on serfe ché clients (l' explication du camion d' brasseur qui boucho l' route in l a su qu au dernier d' ses tours d' livraison, yavo moins d' monte dinch' magasin)
chéto l époque du que cha désimplisso pas ...Enormémint d' gins enfin tous ceux qui s'déplaçotent i v'notent ichi acater ch' pain ...rue Anatole France,rue de Paris , rue de chatelleraut,rue de Béthisy, rue d' Isbergues,rue de Denain, eune partie d' la rue de Montataire, sans parler des gins qui v'notent in carette d un peu plus loin pour ker ch' pain
nous in éto l' tiete dins l' guidon, y a des jours té savo pas l heure qui yéto "officiel'mint" , t avo pas l'temps d aller vire l' horloche qui éto camuchée dans eune encoignure entre ch' comptoir à pain et chti perpendiculaire du chti du tabac et des journeaux, tenu par "Maréchal" , mais in savo l' heure à 10 mineutes près, pasque ché gins i v'notent toudis al' meme heure , et té sinto qui avo des momints du que chéto un peu moins chargé, quand que j' dis "moins chargé" ché qui avo du monte d' dins l' magasin, mais que quéqu un d' l extérieur i pourro rintrer d'dins sans devoir faire attintion in ouvrant l' porte pour pas l' foute dins l' dos de ch' dernier qui éto à l intérieur