bienvenue chez les chtis
par minloute le, 29/11/201014.4 millions de téléspectateurs hier qui ont ravisé bienvenue chez les chtis, tout en sachant qui yavo lyon psg de retransmis sur canal plus
plus d' monte que lors d' la finale du dernier mondial d' football entre la hollande et l espagne
que voulez vous , in est vraimint pas comme s' zautes ...j' pinse à Ronny Coutteure qui auro été sur' mint contint d' vire s' région mise ainsi en valeur et gagner un capital sympathie INESTIMAPE
alors cor bravo Monsieur Dany Boon
ech veut pon t'inlever ete joie débordinte minloute mais ech match lyon psg chéto su eine chaine payante faudro comparer si el chaine el éto gratuite. mi j'lai po raviser pasque j'lai deja vu plusieurs fo et que j'ai ech DVD
Ronny Coutteure qui éto un ami el dernière fo que j'l'ai vu au festival d'avignon y n'éto pas inquiet pour esse région et y dijo ravisez bin ichi au festival y plus ed troupes ed théatre du nord ed paris que tout el reste ed la france in est bin représinté
Ebin ,mi j'fais pon partie des 14,4 myons ed téléspectateus ! Mais commint qu'in peut dire ,sins s'tromper gramint, qu'i'a 14 virgule 4 (j'insiste su l'virgule!) myons d'gins qui ont ravisé un programme ?
In fait, in prind 1000 ou 2000 personnes, in leu d'mande chu qu'i ont ravisé et in fait eine rèque ed tros !
Bon , jé l'sais achteure in met des boites rouffions chez les gins et cha compte les émissions ravisées. Mais qu'cha soche 1000 boites obin 1000 gins , cha arvient au menme ! In clair, in nous prind pou des babaches !
Nan j'volos pon raviser : j'l'ai d'jà vu eine fos epis j'avos quèque cosse à faire ed pu intéressant à savoir préparer un espectaque dins un tiot estaminet d'un villache visin . Eh ouais in oublie qu'dins not' région i'a des dizaines et menme des chintaines, d'amuseus , canteus, conteus, poêtes. I'a pon foque Dany Boon! Et eusses i amus'te les gins sins qu'in pale à l'télé obin à l'radio. Et i font cha seurtôt pou l'plaisi . Mais ch'est ainsi , si in amuse les gins aveuc not 'parlache , in dit qu'in est d'z'arrièrés ! Tiens pusqu'in pale ed spectaque, i'ara verdi soir prochain (3 dichimbe) , à 20h , eine sorée à St Amand les Eaux, 20 rue d'Volinciennes, à l'mason du picard app'lée Mon Lalie. Lalie ch'est diminutif ed Ste Eulalie. N'pon oblier qu'l'abbaye ed St Amand alle avot abrité dins s'bibliotèque el pu viu poenme frinçais (ou putôt picard) "el Cantilène ed Sainte Eulalie"
A l'sorée, i'ara Christian Bastien , un des meiyeus diseus du Nord Pas d'Calais qui dira d'histoires et des fabes, Manou el roubaisienne qui amuse gramint les gins edpu longtimps aveuc ses histoires ed ménache , Jean Louis Tétard ed St Quentin qui fait rire à pissier dins s'maronne et les Tiots Pères, eine troupe ed rutes rious ed Douai. Cha s'ra eine belle sorée !