em' première colo ed vacances

Cha s'passe in 1946,mes parints m'avotent inscrit ainsi que min frère cadet al première colonie de vacances à Bruay en Artois. Bien sur chéto pas loin,mais on allo in colo.
Chéto à Brias, bein ouais juste avant St Pol. Pour nous chéto nouvio, aller in colo, té parle. On avo chacun sin sac à dos, ach' momint là avec pas trop d'affaires. Rendez vous au N°1, et là yavo des camions bachés des mines qui attindotes dinl' cour. On fait l'appel, et nous vla tertous fill et garchon monter din chez camions. El voyach' iéto pas long, à peine 15Km.
Nous vla arrivés,et la biensur séparation ed ché fill et garchon.
On logeo din des anciens batimint qui ej cro qui avotent servi à chez allemands pendant la guerre 39/45,mais à nous ache in sin fouto,on el savo même pas.El chambrée al féjo bien 25/30 mètres,et in avo des lits ed camps.pour nous cha alo.Par contre les toilettes chéto des tranchées avec des planques, et autour chéto des feuillets, fait avec des branq' coupé, on n'avo jamais vu cha, mais y faut bien comincher par quit coss din la vie. Pour es' laver, yavo un genre d'abreuvoir, avec des robinets mais que dé lio froite, bof, chéto in été donc nous jones in n'y pinso pas. Pour la nuit, pas question d'aller din les feuillets, y avote mi un séo hygiénique, dinl' couloir, mais alors la au matin i débordo. Pour la nourriture chéto ed' base, mais cha alo, et les moniteurs y s'occupotent bien ed nous, in féjo des jeux ed rondes, mais là on éto mélangé tous fill et garchon.
Al 3 ième semaine y a eu un gros problem' un camarat qui resto al cité des musiciens, dem ache, yavo trouvé parait il en' grenade, y a du el manipuler et al y a sauté din les mains, biensur y est mort sul coup.
Après on a pu eu el dro d'aller trainer din les bo... yéto trop tard.
Bon et mauvais souvenir de ma première colonie de vacances.....