eune matinée espéciale , le vendredi matin toudis
par minloute le, 02/12/2010pi y avo toutes sortes d' commerçants, charcutiers ou vindeux d' glaines et d ' oeufs, in blouse in coton blanque, bouchers avec leur maronne à tchiots carreaux bleu et blanc....poissonnières avec leu grands tabliers bleu foncé, avec des mains toutes rouches à forche d' sortir ché pichons des cagettes rimplies d' glache...
au niveau aussi des emballaches t avo des différences, papier rosé avec au verso eune publicité (souvint un cochon qui vanto les mérites de ch' boucher du qui avo fini s' carriere ......) , pi un aut' papier qu in metto cor au d'sus, un papier d' couleur grisse ou blanc foncé, papier anonomique qui permetto d argroupper plusieurs achats de chez l' meme commerçant ..
quand à ché marchands d' pichon, chéto plus rudimentaire .... in imballo ch' pichon dans du papier journal, et à ti à avoir pinsé à printe un sac plastique , sinan cha allo donner toute ch' t odeur là au cabas intier
in type d' commerces chéto différents aussi, ché commerces espécialisés comme l' boucher ou l' charcutier, i zutilizotent une balance avec eune grante aiguille crantée, que ch' commerçant i semblo viser l' aiguile pour trouver l' poids exact
pi t avo ché tchiots marchands d' légueumes du que là chéto plus d' l à peu près au niveau du pesache, pasqui zutilizotent l' balance romaine, et in avo l impression qui calculo ch' poids à eune vitesse que ti t avo pas l' temps d' pouvoir t' faire eune idée précisse si i t avo pas arnaqué à 100 grammes près
Minloute, té t'rappelle dech marchand d'vaisselle plaché in face du café d'la pêche ??? Y vindot d'el vaisselle in lot et y cassot ch'zassiettes si t'in voulot pas. In m'man qui disot in fajant et invantant ses lots.. Chéto in spectacle à li tout seut..