Noel Provençal 1

j'parlo en titre d un Noel provençal, zallez dire un Noel provençal dinch' nord, ché pas commun .... ché que mes parints i zavotent un 33 tours qui s appelo "la pastorale des santons de Provence" ... un disque Polydor j' peux vous l' confirmer ..
j' m in souviens cor bien pour différentes raisons

d' abord cha m' simblo bizarre que Béthléem cha so non pas en Palestine , mais en Camargue, pas loin non plus de la plaine de la Crau .......

pi les personnages étotent pas commun , y a qu' là qu in intindo parlé de l Ange Boufaréou , du Boumian, de Pistachié, le Ravi ..............
in nous parlo beaucoup des bergers , des gens simpes qui avotent répondu à l appel pour v'nir voir ch'Ptit Jesus .....

c' qui m plaijo aussi chéto l accompagnemint musical : trompettes , flutiaux et tambourins ...

mais tout cha cha s' ro rin si yavo pas eu commint dire , l' ptit truc in plus qui fait que l' mayonnaisse al' print ou qu ale print pas ...... ché 2 chosses, la qualité du texte du récitant, et le récitant lui meme ..
le récitant chéto Henri Vibert, y a souvint jué dans des flimes ou des téléfilms sur la provence , eune vox prenante, profonte , qu in acoute j' allo dire "religieus'mint" ................

et comme chéto bin écrit , et bin raconté, bin mes parints i zavottent un bon momint d' tranquilité, et in plus cha nous rapprocho tout douch'mint du jour d'la Noel .......

au soir, eune fos couché , avant d éteinte l' leumière, j' prenno un tout tchiot calendrier de l année, et j' barro l' jour passé, et j arconto, si cor i fallo vérifier l' nompe d' jours d attente qui m' resto " à tenir" jusqu au matin tant espéré ..........................

Noel provençal que j' vous dijo, à double titre, car tout parel , pour faire passer le temps, j avo dro l aprés midi durant ché jours d' vacances avant la noel, j avo dro à la lecture d eune histoire par ma Manman ........Et, comme livre d' nouvelles, chti qui avo la cote, chéto les Lettres de mon moulin d' Alphonse Daudet

Au fil des jours, j a connu le secret de Maitre Cornille, respecté la mule du pape, bu l' élixyr du Père Gaucher, rendu visite au phare des iles Sanguinaires, comparé les 2 auberges , tout cela se terminant le 24 décembre par l' histoire des 3 messes basses .....
Récit d'autant plus magique, que j' voyo min père partir vers 19h pour aller al' "messse d' minuit" ..........

ech su chti mais ech vi ed pu longtemps in provence et pou ché gins ichi ché pas daudet qui a glorifié el noel provenciaux ché plus profond que cha et j'invite minloute a vénir esse plonger din la provence profonde comme j'ai fait ed pu in momin y verra que el noel provencal ché aute quosse que che qu'in y a appris avec les lettres de mon moulin