à propos d'électrophone

ché grâce à li que j'ai fait mes débuts de DJ. m' grand mère m'in avo payé un pour mes 12 z'ans comme m' donno min diminche pus souvint qu'à min tour j'acato tous les derniers sortis in acoutant ch' poste, in lisant "salut les copains" ou in allant m' renseigner à mo Huet. comme certains de mes copines et copains n'avotent pas l' chance la ej leur faiso acouter in passant l'HP par l' fenête d'em champe dins haut.
insuite j'ai eu un mange disque ej pinse que vous vous in souvenez chéto eune espèce d' tiote boîte pas pu épaisse ni pus grante qu'un life qui fonctionno avec des piles. chéto révolutionnaire pour l'époque té metto l' 45 tours i l'avalo et dès qui éto fini i arsorto tout seu. i avo un avantache et un inconvénient . l'avantache ché qui pouvo l' trinqu'baler partout. l'inconvénient ché que par forte caleur ché disques comme chéto du plastique i z'avotent tendance à onduler ché à dire qui z'étotent bon pour l' poubelle.
avant d' terminer ej vais raconter un tiot souv'nir d'infance.
nous in allo les acouter ach' ti parc au 3 in d'sous du saule pleureur in cachant des trèfes à 4 feules et: "ne l'dites à personne" découvrir l'anatomie des garnoules.
tout cha, cha nous rajonis pas mes gins

Bonjour Nounours
Cha ché bin vrai. Un pick-up, un teppaz, toute in époque. Avec esse saphir qui fallot artourner quend ch'disque y'éto mono ou estéréo. Pi après y'a eu ché quanjeur ed 45 tours et avec el pétites tiches ché 33 tours. In pouvot mette une dizaine ed disque les un sur les otes.
T'é trappel ch'marquand ed disques ach marqué d'la gare à cote dech café chez michel. Y'avo un' grosse voiture américaine et chéto l'rassemblemin d'ché garnoules por écouter RINGO WILY CAT elle je ne veux qu'elle et tousse z'otes canteux d'lépoque. Chéto comme in dit ch't'endrot là "un banc ed moules" et nous ché mâles du coin in y allot souvint al pêque.
Contacte me Nounours in privé.